قلم مميز ((حروف من الروح))

[مـــجيـّدالسيــــد]

‏ومن حيـث لا ندرى ..
دائما هناك عـين تراقـب
وتهتـــــــم......

 

[مـــجيـّدالسيــــد]

وشسَويلك بعَد وعيونك أمليها
أنه سَويت حتَ المّا مسُويها
والله الخاطرك
قررتّ أحَب أشياء
عِشت طُول العُمر مَا مقتَنع بيها

 

[مـــجيـّدالسيــــد]

آخلط حلاوتك بقليل من المر ...
كي ترى من هو باقي .. ومن يمر…

 

[مـــجيـّدالسيــــد]

أبصرتك حروفي وهي كفيفة

فباتت في كل خاطرة ترسم ملامحك

 

[مـــجيـّدالسيــــد]

هناك حرف يغير معنى كلمه.
وهناك شخص يغير معنى حياه بأكملها..
فالأرواح الجميله لا تحتاج مقدمات..
حتى تدخل القلب فهى نسخه واحده..
ليست كالوجه بأربعون شبيه..!

 

[مـــجيـّدالسيــــد]

كون بعيونج أنام
وأغرك بحر الغرام
وينرسم بعيوني فجرج
وينكسر جنح الظلام
كون بعيونج أنام
..............
كون بشفافج أموع
ونتجي حدر الظلوع
أنتهه عصر الدموع
وأبتده عصر الهيام
كون بعيونج أنام
................
كون ميطول السكوت
وبالعجل أسمعله صوت
وكون بحظانه أموت
وأستمع لعذب كلام
كون بعيونج أنام
................
كون نغرك بالعشك
وبالغزل نفشك فشك
صوب أسهامك رشك
ونبت بروحي السهام
كون بعيونج أنام
................
كون نغفه ومانكوم
ونفكس أعيون الغيوم
وتحتفل كل النجوم
وتنتصر شمس الوئام
كون بعيونج أنام
................
بقلمي
مجيد السيد

 

[مـــجيـّدالسيــــد]

كل شيء يمر ، ولكن ليس كل شيء يُنسى .

 

[مـــجيـّدالسيــــد]

إذا إنتَهت المراقبَة ،، إنتهَت آخر ذَرة بالمشاعِر

 

[مـــجيـّدالسيــــد]

اثاريهم طبع دخان
بس ينشاف ماينكض..

 

[مـــجيـّدالسيــــد]

مرات اشوفك شمس

مرات اشوفك ليل

مرات احسك ثلج

مرات احسك سيل

ياليل وحشه ارويحتي

ومسكونه بيها اشباح

وياليل حتى بنومتي

صدكني ما مرتاح

مرات اغمض صدك

ويندهني طيفك حيل

مرات اشوفك شمس

مرات اشوفك ليل

مرات اشوفك جرح

ومرات اشوفك دوه

ومرات احسك ألم

ومرات احسك هوه

يادنيه صعبة حالتي

وكل لحظة اشوف الموت

ويادنيه حتى الفرح

ايمر علي بسكوت

مرات احسك اللي

دجلة وفرات ونيل

مرات اشوفك شمس

ومرات اشوفك ليل

مرات اشوفك نهر

من تعطش انهاري

ومرات اشوفك عطش

من تذبل ازهاري

ياروحي هذا العشك

جوياته صعبة تصير

ومعروف طبع الوفي

مايعرف التغيير

محبوبي ليش اتغيرت

وبيه كمت اتعيل

مرات اشوفك شمس

ومرات اشوفك ليل

بقلمي
مجيد السيد