قلم مميز ((حروف من الروح))

[مـــجيـّدالسيــــد]

رد: ((حروف من الروح))

بحلم مريتني اسويعه..
و نهر طولك خذه اعيوني..
خذاهن و الجروف ابعاد ماتوصلهن اسنيني ..
تفوي اشلون و انت امواجك اتغرگ ثلاثیني ..
يتاركني بغمگ صفنات محتارين..
هاي اسنين اطشر على الناس اسنين...
هاي اسنين ادورك والعذاب اسنين..
ادور راگک الیستر حزن عمري و مواويلي..
ادور والجرح كلساع بغيابك يغنيلي..
ادور و الحلم یتمرجح برمشي..
ادور جرفك المامون من کلشي ..
ادور والعمر یمشي..
لگیتك ياعطش امسي تفيض بكل بساتين العمر وتغرگ ايامي..
لگیتك و السهر تابوت شييع وردة احلامي ..​

 

[مـــجيـّدالسيــــد]

رد: ((حروف من الروح))

ما حطّن نوارس عغŒنک بگاعي ..
ثلاث اطيوف مرّني و صحاريك خلگها اهواي..
و آنه مخلّص امتاعي ..
انه متانيك ينداوة فجر ايلول..
كل مصباح تغسل وجه نعناعي...
كل مصباح تظفر شمسك بروحي و تمد ايدك طفل و تلاعب اوجاعي..
يبحر الخوف دليني بمراسي الشوگ..ليش مفحّط اشراعي ..؟
ليش امضيّع ابوجهي حلم متعوب ما يتحمل اطباعي؟ ..​

 

[مـــجيـّدالسيــــد]

رد: ((حروف من الروح))

اكل بينه الحرب اعوام ..
اكل كلشي ..
الشجر و الحجر و الاحلام ..
ماظل بالسلف غير البچي الاسود وصم اوهام ..
ماتت بالمدينه ايام...
انكسرت بالمدينه اقلام ..
نيبان القذايف ملّخت كل بيت ..
و الشط دم لبس فوگ السواجي الثام ..
اكل بينه الحرب اعوام ..
مذعورين نتختل ورا الغربه ..
ورا المجهول نتمدد غصب و انّام ..
و هجرنه الديره والافراح و الاحباب ..
و ظلّت ريحة الخوفه تطوف بكل زويّة باب ..
تطوف بكل فكر شايل نعش اصحاب ..
و بقينه اسنين و احنه ابعين غربه انعيش ..
ورجعنه و رجعت الغيّاب ..
وبنينه ابيوتنه و جرح الشوارع توّه راد ايطيب ..
بس جرح النهر ماطاب ..
كل ساعه يلچمونه و يذرون اعلى نزفه اتراب ..
و احنه اشما يلچنه الضیم نصعد فوگ جرحه احزاب ..
و اعیون النفط تهمس علینه بخوف ..
ها یولادي ملتمين؟
سلتكم بعد مابيها ريحة تين ..
يولادي النهر مبیوگ و التاریخ مرهون ابحچي الاقلام ..
يولادي.. النهر رايد نردله الصوت ..
و نكتب على احلوگ الطین ..
كافي الموت ..
كافي الموت...
كافي اتراب ..
اكل بينه التعب اعوام ...​

 

[مـــجيـّدالسيــــد]

رد: ((حروف من الروح))

[flash=http://www.f-iraq.com/up/uploads/1498165929631.swf]width=0 height=0[/flash]ومدري ليش النهر يغفه
من يشوفك عالجرف
مجيد السيد

 

[مـــجيـّدالسيــــد]

رد: ((حروف من الروح))

من محبتج كلشي حصدنه
غيرة ومحنه وصفح
مجيد السيد

 

[مـــجيـّدالسيــــد]

رد: ((حروف من الروح))

الذين يشاهدون محتوى الموضوع الآن : 3 ( الأعضاء 1 والزوار 2) ‏مـــجيـّدالسيــــد

تصبحون على خيرررررررررررر
تحياتي لكماااااااااااا

 

[ااالٌبابُليً ودً]

رد: ((حروف من الروح))

 

[مـــجيـّدالسيــــد]

رد: ((حروف من الروح))

وطابت جمعتك يانقي
شكرا لاروع مرور
تحياتي اليك

 

[مـــجيـّدالسيــــد]

رد: ((حروف من الروح))

 

[مـــجيـّدالسيــــد]

رد: ((حروف من الروح))

يا حافية القدمين هللي وارقصي ع رمال الحب
واجعلي من خطواتك أزهارا تنبت حياة
وارقصي بخلخالك المثير كوشم في ذاكرتي
فلولا خطواتك ما رقص قلبي ونبض بك