قلم مميز ((حروف من الروح))

[مـــجيـّدالسيــــد]

رد: ((حروف من الروح))

تدري اشگثر محتام ... لجيتك انه
بكثر ما يعگوب ... لوليده تانه

 

[مـــجيـّدالسيــــد]

رد: ((حروف من الروح))

وحگ الجنت احبهن
بيك وانباگن
بعد وجهي وي وجهك
حلم يتلاگن

 

[مـــجيـّدالسيــــد]

رد: ((حروف من الروح))

ظـاهـرهم گـطن . .

و گلوبهم گـهوه ؟ ..

 

[مـــجيـّدالسيــــد]

رد: ((حروف من الروح))

عذبنه الجرح عاشرنه صار سنين
ربينه كبـــر مـــن طلعن سنــونه
اكل نص العمر من اول المشـــوار
وعل نص البقالي تباوع عيــــونه

 

[مـــجيـّدالسيــــد]

رد: ((حروف من الروح))

اليراهنّي عشتْ بالدنيه فرحان
وعلى وجهي يبيّن فرح منحوت
آنه اضحك نعم ! بس إلمنْ وليشْ ؟
مثل ضحكة گَبرْ لو شاف تابوت

 

[مـــجيـّدالسيــــد]

رد: ((حروف من الروح))

تعال وخل أذَكرك ماضي الك وياي ..
غفت چم مره روحي ابين ذرعانك ..؟
وتعال وخل أَذَكرك .. يمكن انت انسيت ..
شم عطر الوفه تلكاه ابقمصانك

 

[مـــجيـّدالسيــــد]

رد: ((حروف من الروح))

مو جنت طول العمر تمشي وراي

مثل ظلي تريد بس تشوفني

وامنت بيك الظهر ما ادري بيك

بس تصير الدنيه ظلمه تعوفني

 

[مـــجيـّدالسيــــد]

رد: ((حروف من الروح))

انت من تقره كفر تقره الكتاب

وانت معجم للعشك قاموسه

انت اية موسى بس مو بالادين

انت وجهك صار اية موسه

 

[مـــجيـّدالسيــــد]

رد: ((حروف من الروح))

الملح لو بس يخطر ابالك تحليه

فوكه من العسل اطنان خليت

ومن كد ما حلو تكتل يحباب

من تلمس نوانه يصير جكليت

 

[مـــجيـّدالسيــــد]

رد: ((حروف من الروح))

لحظه الما اشوفك كلشي عندي يضيع

ومو من عمري هاي اللحظه محسوبه

ما انامن بعد خليني اباوع بيك

عيوني لشوفتك كم عام مطلوبه؟