قلم مميز ((حروف من الروح))

[مـــجيـّدالسيــــد]

حين اشعر بإشتياقي لك
أغمض عيني.....
وأستحضرك في اعماقي
أسلم عليك....... أهامسك
وحينها يحتل عطرك أنفاسى
ويردد لساني أسمك
فأنام علي ذكرك.....
ويأخذني الحلم إليك
ولاتتركني
حتي ياتي الصباح
ببسمة من نور وجهك
وأبدأ أدون قصة للحب
.... تفاصيلها عشقك

 

[مـــجيـّدالسيــــد]

وأشتهــــي
أن أتذوق طعـــم الخلود .
حين أُدفـــن في أحضآآنــك

 

[مـــجيـّدالسيــــد]

اخفيتك وانت سر معلن
في .... ملامحي

 

[جنون العاطفه]

هاي وحده تحب ابو بلم يصيد سمج ويمر عليهم
‏غاب فتره تبين مات اجه اخوه بالبلم افهمت السالفه
‏لسان حالها يكول

‏وحك من سولفلنه بكاف ولام
‏بسبب روحاتي للشط كمت الام
‏انه احديثة وعشگت طيوف بلام.
‏رحل عني وطفن جرفين بيه

 

[مـــجيـّدالسيــــد]

هاي وحده تحب ابو بلم يصيد سمج ويمر عليهم
‏غاب فتره تبين مات اجه اخوه بالبلم افهمت السالفه
‏لسان حالها يكول

‏وحك من سولفلنه بكاف ولام
‏بسبب روحاتي للشط كمت الام
‏انه احديثة وعشگت طيوف بلام.
‏رحل عني وطفن جرفين بيه

الله الله الله
مشاركة رائعة وابوذية تجنن
عاشت ايدج جنون الأنيقة
تحياتي اليك

 

[مـــجيـّدالسيــــد]

ياروحي ونبضي وشرياني
بحروفك تذبل احزاني
يا اغلى من هاي العين
مزيون وبشفافك تين
برموشك شافوا عنواني
وعيونك صارت اوطاني
ياروحي ونبضي وشرياني
بحروفك تذبل احزاني
...........................
سبحان الخالقهه اعيونك
معذور البيهن مجنونك
يا اغلى من هاي الروح
عن بالي لحظة متروح
جرب ياروحي وانخاني
بعيونك حارس تلكاني

ياروحي ونبضي وشرياني
بحروفك تذبل احزاني
.........................
محبوبي لا لا تتكرب
بنظراتك صدك اتكهرب
نزل عينك من تتعده
وزرعني بنص روحك وردة
يل كلك طيب وتهواني
بوجودك ما اعشك ثاني

ياروحي ونبضي وشرياني
بحروفك تذبل احزاني
.........................
يا عمري وشرياني الابهر
ابعطرك خليني اتعطر
يل تحلى وياك اسنيني
انته روحي وانته عيني
يل عطرك عطر رباني
ويل اسمك نغمة الالحاني
ياروحي ونبضي وشرياني
بحروفك تذبل احزاني .
بقلمي
مجيد السيد

 

[مـــجيـّدالسيــــد]

هواي شايف

بس مثل هاي الشفايف

أبد والله ما شايف

هي تكرب حيل مني

وابتعد حيل انه خايف

أنته كلي ليش خايف؟؟؟

قابل الدنية أتهدم ؟؟

حبيبة مارايد حياتي !!

هي شفه لو جهنم

وقبله للسواح شفتج

وبطلوا من المصايف

بيج مرسومة الطبيعة

أجبال وأنهار وسفن

وأنتي واحه من الخضار

وتركت الناس المدن

لأن بنت الريف أنتي

أنتعشت اسعار الصرايف

هواي شايف

بس مثل هاي الشفايف

ابد والله ماشايف

ابد والله ماشايف


بقلمي

مجيد السيد

 

[مـــجيـّدالسيــــد]

احبك وافتديك بدم
هويتك وادري ما أندم
ياغالي بغلاة الروح
خليت الجرح يلتم
احبك وافتديك بدم
.......................
يا اروع عشك عشته
ويا أنبل بشر شفته
مزروع الوفة بكلبك
تسلم يالوفي تسلم
احبك وافتديك بدم
.............................
يالوجهك يشع بالليل
مزيون وتهد الحيل
جم عاشك الك صارح
وانته بس اللي تهتم
احبك وافتديك بدم
..........................
حقهم من يحبونك
تسبيهم سبي اعيونك
جم واحد رجع خايب
وظل بشوفتك يحلم
احبك وافتديك بدم
..........................
بدونك تذبل اسنيني
ياعمري ونظر عيني
جنه دنيتي وياك
ولجروح الزمن بلسم
احبك وافتديك بدم
.........................
بشفافك مياه النيل
وبعيونك سحر أربيل
ومن يوم العرفتك بيه
ناسيني الحزن والهم
احبك وافتديك بدم
............................

بقلمي
مجيد السيد

 

[مـــجيـّدالسيــــد]

كف كافي

جم مرة احلفت متخون

وترد اردود وتجافي

عليمن تذرف الدمعات

وانته بطبعك محيل

وماعندك كلب صافي

تتحايل علية انوب

وتكول الوفة عندي

وانته من الوفة حافي

كف كافي

كف كافي

خمس اسنين متحملك

وانته النوب متعافي

شلتك محبس بجفي

وشلتك دمعة بعيوني

وزرعتك وردة بظفافي

لتحاول تجي البابي

ولتهيج كلب مجروح

يل جرحك بعد للحين ماشافي

كف كافي

كف كافي

صار وياك متعذب

خمس اسنين مو كافي

ليش وياي متعادي

وتحب تشوفني مهموم

وتحب الاه بشفافي

الياوكت وانته متكبر

والظلم صاير شعارك

ضميرك ماصحى غافي

كف كافي ولك مغرور

خليني بجنح مكسور

بعد تبتر اطرافي

لو انه رضيت انعود

ورديت الهواك اردود

منهو يكفلك توافي

كف كافي

كف كافي

بقلمي

مجيد السيد

 

[مـــجيـّدالسيــــد]

‏لجميلة العينين :
كُل القارنتهن
بيچ يرحنَّ فدوة لعيونج