قلم مميز ((حروف من الروح))

[مـــجيـّدالسيــــد]

‏- الغيره مَرض لا يُصِيب إلا من يحُب بِصدق.!

 

[مـــجيـّدالسيــــد]

الحب.. مُتنفس القلوب

 

[جنون العاطفه]

شميته وي ريح الهوه
نعناع كسب وانجوه
دريم حدر زلفه انطوه
وتمشرك بخزامه
ليلو اعله ليلو من انجفه
قداح فايح من غفه
خلخاله كل ريم اصدفه
واتحزم ويه احزامه
حتى النسيم ايكاوده
ويتلولح اعليه النده
الطاووس وي ممشا حده
وسج المسج بالكامه
الشافه من طيبه انهرش
زيناته مابيهن دغش
ولا بي طبع نعامه
مابي نصاوه ولا علو
زاد بحلاته اعله الحلو
احوووو يمن كلك دفوووو
من جدمك وللهامه

 

[مـــجيـّدالسيــــد]

مشاهدة المرفق 75833

شميته وي ريح الهوه
نعناع كسب وانجوه
دريم حدر زلفه انطوه
وتمشرك بخزامه
ليلو اعله ليلو من انجفه
قداح فايح من غفه
خلخاله كل ريم اصدفه
واتحزم ويه احزامه
حتى النسيم ايكاوده
ويتلولح اعليه النده
الطاووس وي ممشا حده
وسج المسج بالكامه
الشافه من طيبه انهرش
زيناته مابيهن دغش
ولا بي طبع نعامه
مابي نصاوه ولا علو
زاد بحلاته اعله الحلو
احوووو يمن كلك دفوووو
من جدمك وللهامه

شكرا للمساهمة الجميلة والأكثر من رائعة
تحياتي اليك

 

[مـــجيـّدالسيــــد]

هنيالكم
كلمن يبوس الورد
حسباله بأس اشفاهكم
مجيد السيد

 

[مـــجيـّدالسيــــد]

مثل شبوي المسه بعطره وشذاه

حبه حبه وكطره كطره

وبالرسم طول خلك بيج الاله

صور عيونج مواني

وبيها عاف الليل نومه وذب غطاه

من بعيد انتي جميله

من قريب انتي جميله

واكفه تمشين حلوه

والحلو وجهه يبين من كفاه

عيوني ما تكذب عليه

العسل يم الاشاره

جدى منج

كسر كلبج

واخذ من خدج حلاه

الله الله اشهل حلاه

الشكر ماكان مزروع اعله كاع

ارض خصبه للشكر هاي الشفاه

والكلب مدري شجاه

قبل كنت اكدر عليه

الوي اذانه ايخاف مني

وهسه صرت امشي وراه

وهسه صرت امشي وراه

ولا حياء في الحب

احبج

خل يحسبوني رجل حن لصباه

لان ملفته للانتباه

 

[مـــجيـّدالسيــــد]

أني على يقين
انها تعشقني
ك عشق الصبايا للياسمين
الا ان خجلها يمنعها
من تصدر
قوائم العاشقين
الا ان شيئا ما يمنعها
إظهار
احساسها الثمين
حبيبتي فتاة مهذبة
تعشق كل ماهو
مميز ورصين
هي مفخرة
وعنوان لكل العناوين
نعم هي حبيبتي
رغم اني لم اصارحها
بحبي الدفين
حاول المجانين
اقتحام حدود قلبها
الا انها مزقت
كل احلام المجانين
ورفضت كل مغرياتهم
وحروفهم الممزوجة
بعسل الشمال
وماء الرافدين
ورفضت كل رسائلهم
وعلقت عليها بحرفين
لا
لن أكون حبيبة
الا لمن كان سلوى
للروح والقلب والعين
ولن اختار حبيبا
الا لمن كان هواء
للرئتين
حبيبتي ترفض
ان تكون جزيرة
يزورها المئات
بل الملايين
بقلمي
مجيد السيد

 

[مـــجيـّدالسيــــد]

ياروحي ونبضي وشرياني
بحروفك تذبل احزاني
يا اغلى من هاي العين
مزيون وبشفافك تين
برموشك شافوا عنواني
وعيونك صارت اوطاني
ياروحي ونبضي وشرياني
بحروفك تذبل احزاني
...........................
سبحان الخالقهه اعيونك
معذور البيهن مجنونك
يا اغلى من هاي الروح
عن بالي لحظة متروح
جرب ياروحي وانخاني
بعيونك حارس تلكاني
ياروحي ونبضي وشرياني
بحروفك تذبل احزاني
.........................
محبوبي لا لا تتكرب
بنظراتك صدك اتكهرب
نزل عينك من تتعده
وزرعني بنص روحك وردة
يل كلك طيب وتهواني
بوجودك ما اعشك ثاني
ياروحي ونبضي وشرياني
بحروفك تذبل احزاني
.........................
يا عمري وشرياني الابهر
ابعطرك خليني اتعطر
يل تحلى وياك اسنيني
انته روحي وانته عيني
يل عطرك عطر رباني
ويل اسمك نغمة الالحاني
ياروحي ونبضي وشرياني
بحروفك تذبل احزاني .
حصري ل منتديات فخامة العراق
مجيد السيد

 

[مـــجيـّدالسيــــد]

ابتعد عن خمسة وتمسك بخمسة
ابتعد عن المتشائم ، و المتكبر ، و ناكر الجميل ، والمنافق ، و قليل الأصل ،
وتمسك بالمتفائل و المتواضع و عزيز النفس والمخلص وابن الأصول..

 

[مـــجيـّدالسيــــد]

صاحب الاسلوب الرائع و الكلمة الطيبة كل شيء مقبول منه حتى عتابه ، و صاحب الاسلوب الفظ كل شيء مرفوض منه حتى ابتسامته..