حسرة وبالگلب كل يوم تتكسر
الدمع رايدله حيل...وآنه ما أگدر
كون من ابچي...أذب دمعة اعله طولي گدار
مو دمعة مزن بالريح تتبخر
يسفان الونين...التسري بين اعضاي
مرساك الگلب...وبدمي دگ انگــر
مَــدَام الدنيه ضاگت وين ادير العين
ومن طالت الحيرة...استاهدت عرّاف
أذب حمل القضية اعليه وتكتر
طلب مني احدد حلم لوكابوس
ثاري الفرق...كلشي بثمن يتفسر
اذا تحلم...سهل
ميضر هذي الغافين
لم كل امنياتك...واگعد اتحسر
المهم لاتقره اعوذ...تزعل الكابوس
تره الزيجة ورق...عالنار يتجرر
وخلف الله اعله جلدك...ستر عيب الثوب
وصبرك من شمع...من يحترگ يزغر.
للشاعر (غني محسن)
الدمع رايدله حيل...وآنه ما أگدر
كون من ابچي...أذب دمعة اعله طولي گدار
مو دمعة مزن بالريح تتبخر
يسفان الونين...التسري بين اعضاي
مرساك الگلب...وبدمي دگ انگــر
مَــدَام الدنيه ضاگت وين ادير العين
ومن طالت الحيرة...استاهدت عرّاف
أذب حمل القضية اعليه وتكتر
طلب مني احدد حلم لوكابوس
ثاري الفرق...كلشي بثمن يتفسر
اذا تحلم...سهل
ميضر هذي الغافين
لم كل امنياتك...واگعد اتحسر
المهم لاتقره اعوذ...تزعل الكابوس
تره الزيجة ورق...عالنار يتجرر
وخلف الله اعله جلدك...ستر عيب الثوب
وصبرك من شمع...من يحترگ يزغر.
للشاعر (غني محسن)
