# # حضوركم بأبوذية تروق لكم ،،،،،***

[mohammed.shams]

رد: # # حضوركم بأبوذية تروق لكم ،،،،،***

أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه

 

[mohammed.shams]

رد: # # حضوركم بأبوذية تروق لكم ،،،،،***

وحق كلبك وعينك ورمشاك
اضل طول العمر امشي وره مشاك
عليل ومرضي ورم شاك
تطيب جروحي من تمد ايدك عليه

 

[mohammed.shams]

رد: # # حضوركم بأبوذية تروق لكم ،،،،،***

افرح لو شفت وجهك وسر بي
وحبك ثابت بكلبي وسر بيه
شما طال الدرب امشي وسر بي
ابعث الروح لعيونك هديه

 

[mohammed.shams]

رد: # # حضوركم بأبوذية تروق لكم ،،،،،***

بعسر حالي ابد ما اكول ياسر
وعلى اسراري اكلك بعد ياسر
اذا عمار يمه انكتل ياسر
انكلب حمزه وتعال الحك عليه

 

[mohammed.shams]

رد: # # حضوركم بأبوذية تروق لكم ،،،،،***

نحيل الجسم من بعدك تراني
واريك يوم بعيونك تراني
افكر بيك كل ساعه تراني
افكر بيك والبعد يصعد عليه

 

[mohammed.shams]

رد: # # حضوركم بأبوذية تروق لكم ،،،،،***

الك ما نبض كلبي ودكلك
واطحن بالحجي ناعم وادكلك
بيوم السافرت كمت ابجي ودكلك
جيتك بنص الليل يم بابك ودكلك
دكلي شوكت اتحن عليه

 

[mohammed.shams]

رد: # # حضوركم بأبوذية تروق لكم ،،،،،***

يا وكتي انكضت وياك بالاه
ودمع العين ثوب الصبر بلاه
لو كلي اصير جروح بالاه
اكابر وما امدلك اذيه

 

[mohammed.shams]

رد: # # حضوركم بأبوذية تروق لكم ،،،،،***

انطرك دوم من صبحك ولمساك
واريدن بس ابوسنك ولمساك
هجرك صم يا مدلل ولمساك
وهسه انت جاي وتتكبر عليه

 

[mohammed.shams]

رد: # # حضوركم بأبوذية تروق لكم ،،،،،***

علة وجنات حلو الطول شامات
مشة ولزودت من فيه شامات
شكول انة اذا لاكيت شامات
انسبيت بحب حبيبي وخان بية

 

[mohammed.shams]

رد: # # حضوركم بأبوذية تروق لكم ،،،،،***

اريد ابجي واصب الدمع بسطول
عبرت بحور ما تنعبر بسطول
تصح رجال ماكو افعال بسطول
وتصح نسوان وافعالهة بلية