# # حضوركم بأبوذية تروق لكم ،،،،،***

[حنان البصرة]

رد: # # حضوركم بأبوذية تروق لكم ،،،،،***

مثل حني بشر ماتحن. لابل
وابد لتظن نسيتك يوم. لابل
اذكرك والدمع مانشف لابل
لحيتي وبان كل مستور بيه

 

[حنان البصرة]

رد: # # حضوركم بأبوذية تروق لكم ،،،،،***

يمر بل روح يلهب طف يمرهه
يلاهي وليش عيدك طف يمرهه
قانع بيه كونه طيف يمرهه
الفرح ورضاه كون اضغاث بيه

 

[حنان البصرة]

رد: # # حضوركم بأبوذية تروق لكم ،،،،،***

سهم فركاچ بالدلال طب لاچ
خذوچ ودگو الشمات طب لاچ
وعلي من گالو العريس طبلچ
نكير ومنكر ايسحلون بيه..

 

[حنان البصرة]

رد: # # حضوركم بأبوذية تروق لكم ،،،،،***

زادي القهر ياصاحب وشربي
عمه سيفي فلا ينفع وشربي
جان اشكثر بي همة وشربي
عمانه الوكت آنه اوياه سويه ..

 

[حنان البصرة]

رد: # # حضوركم بأبوذية تروق لكم ،،،،،***

سهمك صابني وللحين بعداه
بدليلي وكمة اجرن اه بعداه
غيرك مايسوي هيج بعداه
ولا يعمل عملتك هاي بيه...

 

[رجل المستحيل]

رد: # # حضوركم بأبوذية تروق لكم ،،،،،***

منو مثلي الضحى العالي .. يرى نيوم
مشيت ولا خبر منك .. يرن يوم
يالحبك خلّف بگلبي .. يورانيوم
ومفاعل صدة عيونك عليه

 

[رمااد اانسان]

رد : # # حضوركم بأبوذية تروق لكم ،،،،،***

شمالك لا خــبر منك ،،،،،،،ولا حس--*
وكــلبك لا شــعر بية ،،،،،،،ولا حس--*
انكطع نبض الكلب يمك ،،،ولا حس--*
شــــــجاك شــــبيك ما تسأل عليه--*

 

["شہــاه زنـــان"]

رد: # # حضوركم بأبوذية تروق لكم ،،،،،***

حرت لا وين وجهي ووين مگفاي
على الخله دموع العين مگفاي
يگلبي لو احط الترف مگفاي
للمعشر ولا يصعب عليه

 

[مهندس الاحساس]

رد: # # حضوركم بأبوذية تروق لكم ،،،،،***

تگلگن ياضروسي الوكت چن تين
انه البصباي الوچ الحشف چن تين
عيوز وكابلت بالزاد چن تين
الرغيف البايت ايعزلنه اليه

 

[حنان البصرة]

رد: # # حضوركم بأبوذية تروق لكم ،،،،،***

وهــم حبــــك وانه المسكين بيضال
ويبس بستان شوكي شتضن بيضال
برحـيلك خلص عمري يجوز. بيضال
ثــواني وللنــجف يمـــشـون. بيــــــه.......