# # حضوركم بأبوذية تروق لكم ،،،،،***

[حنان البصرة]

رد : # # حضوركم بأبوذية تروق لكم ،،،،،***

الغيرك مايدك گلبي سوا لك
هجرته شبيك متگلي سوا لك
عني بل الچذب ما مر سؤالك
عدل ميت ولا فكرت بيه

 

[حنان البصرة]

رد : # # حضوركم بأبوذية تروق لكم ،،،،،***

جفني شما اغمظنه # يردحاي
وخذت ثلثين من حيلي # يردحاي
يلاهي كون لي بالي # يردحاي
وكله شعملت الوعات بيه


اي والله خويه كون ترجع

 

[حنان البصرة]

رد : # # حضوركم بأبوذية تروق لكم ،،،،،***

 

[حنان البصرة]

رد : # # حضوركم بأبوذية تروق لكم ،،،،،***

كتلني بنضرة عيونه واجرني
وخذاني شوك اله كوه وجرني
يخايب كوم دليني وجرني
باب اهلي نسيته شلون بيه

 

[حنان البصرة]

رد : # # حضوركم بأبوذية تروق لكم ،،،،،***

معگود ابثنايه الجبد ::: حالاك
صعب تتماشه وي الموش ::: حلك (حالاك)
يهظمني اليگلي شلون ::: حالك (حالاك)
واهظمه بجلمة المگطوع بيه

 

[حنان البصرة]

رد : # # حضوركم بأبوذية تروق لكم ،،،،،***

اريد اكتب رسالة عتب بوراق
عتب للي يعرف العتب بوراق
صرت مثل التتن ملفوف بوراق
الشربني أرتاح وأني النار بيه​

 

[قيصر الحب]

رد: # # حضوركم بأبوذية تروق لكم ،،،،،***

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[رمااد اانسان]

رد : # # حضوركم بأبوذية تروق لكم ،،،،،***

ضل محتار من ترسل شردلك
وگلبي من البعد فر وشردلك
ردلي وشوف يمعود شردلك
اردلك روحي وهدوم العليه،،،

 

[رمااد اانسان]

رد : # # حضوركم بأبوذية تروق لكم ،،،،،***

وحك البخت واهل البخت وياه
احتلال احتل دليلي ونار وياه
لون هتلر يجي ويجيب وياه
جيوش ولاتحرر شبر بيه

 

[حكاية روح]

رد: # # حضوركم بأبوذية تروق لكم ،،،،،***

فرق بين اليموع بساع. ......والصاك
ويسمونك حلو مرات. ........والصاك
اذا ربك على المسكين. ........وصاك
اني المسكين والله موصي .....بيه
#