# # حضوركم بأبوذية تروق لكم ،،،،،***

[رمااد اانسان]

رد: # # حضوركم بأبوذية تروق لكم ،،،،،***

وحق من نادة ربة بستر ويما
احس هجرك هدملي الحيل ويما
درت ويهك احس الدمع ويما
بحر موسى وسفينة هموم بية

 

[رمااد اانسان]

رد: # # حضوركم بأبوذية تروق لكم ،،،،،***

كضيت العمر جفي هاك منهاك
وجنت لو تكطع الدلال منهاك
عفتني بدار غربةوحيل منهاك
المرض والعوز كلش كصن بيه

 

[رمااد اانسان]

رد: # # حضوركم بأبوذية تروق لكم ،،،،،***

حلفت مبجي على فراكك ولانوح.
وبعد ماردد باسمك ؛؛؛؛؛؛؛؛؛؛ولانوح.
يوسف مابتلى مثلي؛؛؛؛؛؛؛؛ ولانوح.
ولايعقوب مر مثلي باذيه

 

[رمااد اانسان]

رد: # # حضوركم بأبوذية تروق لكم ،،،،،***

شط فراكهم كل سيف حد راي ..
بركبتي ونيشنت للراي حد راي..
جنازه و مالكيت امتون حد راي..
سحل للمكبره يسحلون بيه

 

[رمااد اانسان]

رد: # # حضوركم بأبوذية تروق لكم ،،،،،***

الوراي وگام يلحكني وصلي.
بثنايه الاه تتناثر وصلي.
جبت العمر بس صايم وصلي.
وتالي اهل العرگ شككو بيه

 

[الشاعر الرياضي]

رد: # # حضوركم بأبوذية تروق لكم ،،،،،***

أكو بيهم ينكط كلة شينات
وأكو بيهم يعور الكلب فركاه
وأكو بيهم تحسة وياك لو غاب
وأكو بيهم غيابة مثل ملكاه

 

[سعد العراقي راقي]

رد: # # حضوركم بأبوذية تروق لكم ،،،،،***

سچيب الدمع وي فرگاه لابيد
وغزاني الشيب مو بالراس لابيد
ما ارتوي منشرب شط
منجرن نفسي گمت افحط
بطاسة ماي گمت انغط
تعبت مابية حيل احچي
اليحچي بولفي اگوم ابچي
صرت مطلوب گاضي العمر لابد
اعله ساعة ويعثر الطلاب بيه









الشاعر علي المنصوري

 

[رمااد اانسان]

رد: # # حضوركم بأبوذية تروق لكم ،،،،،***

كلبي مافضى لغيرك وفضلك
وروحي مانست طيبك وفضلك
اميزك بين الف صاحب وافضلك
ويضل حبك اثر مطبوع بيه

 

[رمااد اانسان]

رد: # # حضوركم بأبوذية تروق لكم ،،،،،***

وحك رمضان وصيامه ولمساك
ابد ماملن صباحك ولمساك
يسويها البخت خايب ولمساك
احس الجنه صارت بين اديه

 

[رمااد اانسان]

رد: # # حضوركم بأبوذية تروق لكم ،،،،،***

انطرك دوم من صبحك ولمساك
وشفافي ماوصلت لخدك ولمساك
هجرك صوم يمدلل ولمساك
وعيد الفطر من تكبل عليه