# # حضوركم بأبوذية تروق لكم ،،،،،***

[رمااد اانسان]

رد: # # حضوركم بأبوذية تروق لكم ،،،،،***

عليك العين تسال ماهو وينه
عزيز وغير شخصك ماهوينه
أمد أيدي أعلى كلبي ماهو وينه
اذا يمك دخليلك رده ليه

 

[جنون العاطفه]

رد: # # حضوركم بأبوذية تروق لكم ،،،،،***

اضل محتار من ترسل شردلك
وكلبي من القهر هاجر شردلك
حرت شكتب شوديلك شردلك
اردلك روحي وهدومي العليه

 

[رمااد اانسان]

رد: # # حضوركم بأبوذية تروق لكم ،،،،،***

وحك من روحك بروحي شركهم
شرك بس الحزن بيه.... شرك هم
كون لسان اله او يحجي شركهم
فوكه شكد تشابكنه سويه.

 

[رمااد اانسان]

رد: # # حضوركم بأبوذية تروق لكم ،،،،،***

شكثر. ضيم. الگلب. بجفاك. ون شاف
ودمعي. غرگ. الوجنات. ونشاف
اخاف. اسري. عليك. بالليل. ونشاف
حرامي. اصبح. وتحجي الناس بيه

 

[رمااد اانسان]

رد: # # حضوركم بأبوذية تروق لكم ،،،،،***

غير الطيب لغاااااالين. من شر
ولا عندي عليهم دوم. من شر
ناشف انه من الزغر. من شر
معدل والشعر لايگ اليه

 

[جنون العاطفه]

رد: # # حضوركم بأبوذية تروق لكم ،،،،،***

عليك الكلب بس ركز وشاره
وبحبك مانشد واحد وشاره
الف تعليق اسويلك وشاره
واخلي المنتدى ياخذلك تحيه

 

[رمااد اانسان]

رد: # # حضوركم بأبوذية تروق لكم ،،،،،***

مالوم الكلب ليكم من تدنى
اثكال اوزنكم زايد منت دانى
اذا فديوم ماتدخل منتدانى
احسن روحي تتمرد عليه
خلدون................

 

[جنون العاطفه]

رد: # # حضوركم بأبوذية تروق لكم ،،،،،***

نوينه نروح مدري نعود منعود
بفكدك والجروح هواي منعود
أنه بفركاك صاير عود منعود
كصب يابس تلوج النار بيه

 

[رمااد اانسان]

رد: # # حضوركم بأبوذية تروق لكم ،،،،،***

طار وما كلت للناس عالطار
وشسولف عالجرح بالكلب عالطار
جنت وياك شايل خلك عطار
طفل ما تشتري وتلعب عليه

 

[رمااد اانسان]

رد: # # حضوركم بأبوذية تروق لكم ،،،،،***

غزل عينك رهن روحي وجرهه
وشعل نيران لبكلبي وجرهه
اريد ابوسك من شفتك وجرهه
حتى انقل هموم البيك اليه