# # حضوركم بأبوذية تروق لكم ،،،،،***

[حنان البصرة]

رد : # # حضوركم بأبوذية تروق لكم ،،،،،***

روح براحتك يلرايد تروح
بعد لا تهمني ولا همك
تذكر من كلت للموت نبقه انه وياك
كلي شغيرك أو بعدني منك
تذكر من جنت تحجي وياي
وتكلي بس انخاني تلكاني يمك
ليش اختلف كل هذا الحجي وياي
شنهي السبب شو مختلف جنك
يل جنت بيك رافع الراس
هسه من تمر شو راسي دنك

 

[حنان البصرة]

رد : # # حضوركم بأبوذية تروق لكم ،،،،،***

ياحادي الضعن وين تريد-ولميت
واخاف العزيز وياك-ولميت
أن جان أتريد وتولمت-ولميت
بعد ماظل الك كل حك عليه

 

[رمااد اانسان]

رد : # # حضوركم بأبوذية تروق لكم ،،،،،***

اوكلهم عوافي عسل برحاي
اجوع واطحنلهم صبر برحاي
انه اللي كسرت الجوز برحاي
تاليها الكشر حسره عليه

 

[مهندس الاحساس]

رد: # # حضوركم بأبوذية تروق لكم ،،،،،***

كلبي بسهم هجرك ﻻحه رامي
واحسك ﻻ حلالي ﻻ حرامي
تكلي مو حرامي ﻻ حرامي
لكوك بنص كلبي تبوك بيه ...

 

[رمااد اانسان]

رد : # # حضوركم بأبوذية تروق لكم ،،،،،***

اصيحن اخ يادهري وجرحاي ...
وعتني بالكلب كوه وجرحاي ...
جروح الناس تتعالج وجرحاي ...
اخيط هاي تنزف هاي بيه ....

 

[رمااد اانسان]

رد : # # حضوركم بأبوذية تروق لكم ،،،،،***

الك فتحيــت يبن النـــاس بيبان
گـلبي وسطـــه الك تمثال بيبان
تعال وشوف راسي عليك بيبان
شـــيب وحتـــه ريحت موت بيه

 

[رمااد اانسان]

رد : # # حضوركم بأبوذية تروق لكم ،،،،،***

لچمني اويفرك او يدبچ علچماي
اوچيمني اومبتشر دهري علچماي
ذبني ابرحة مسودن علچ ماي
نشف مايي اولهسه يلوچ بيه

 

[رمااد اانسان]

رد : # # حضوركم بأبوذية تروق لكم ،،،،،***

الدنيا اسيوف بظلــوعي سنتها
وقوانين التعب لجلـــــي سنتها
الوادم تحتفل بآخــــــــر سنتها
وأنه ابجي اعله العمر راح منديه
كل عام وانتم بألف خير

 

[أنين الروح]

رد: # # حضوركم بأبوذية تروق لكم ،،،،،***

عال احسب بهمي عده انته
وگلبي شعده غيرك عده انته
ازعل الدنيه كلهه عده انته
لأن زعلك يزعلني عليه

 

[رمااد اانسان]

رد : # # حضوركم بأبوذية تروق لكم ،،،،،***

صحت ريض يبو سمره......ولاتن
زلوفه التفن بساكه .........ولاتن
عنب لايلحك لخده.............ولاتين
ولا جاي التصبه الكهوجيه