# # حضوركم بأبوذية تروق لكم ،،،،،***

[رواد]

رد: # # حضوركم بأبوذية تروق لكم ،،،،،***

وحك خالق الارض ..وسماه
شربني الدهر قهر ..وسماه
صار الضيم الي سلوه ..وسماه
امدوهن لو ما تمر بلوة عليه

 

[رواد]

رد: # # حضوركم بأبوذية تروق لكم ،،،،،***

شـسـويـلـه الـزمـان ويـاي ..لوخان
وبـيـه يـاجـفـوف الـضـيـم ..لوخن
مـالـوم الـفـشـك بالـضـيج ..لوخان
أذا بـالضـيـج ربـعـي تـخـون بــيــه

 

[رواد]

رد: # # حضوركم بأبوذية تروق لكم ،،،،،***

يگلبي بيش اخيطنك ..ولحماك
ولا واحد شگف عنك ..ولاحماك
يجيك الضيم من دمك ..ولحمك
من اقاطعهم تلوم الناس بيه

 

[جنون العاطفه]

رد: # # حضوركم بأبوذية تروق لكم ،،،،،***

ابحطب گلي تطفي النار .. لو ماء
الاعمى لو عثر ميجوز .. لوماه
ردت احلف فلا خليك .. لوما
ذراعي انته من اگطعه شلون بيه

 

[سعد العراقي راقي]

رد: # # حضوركم بأبوذية تروق لكم ،،،،،***

ياصاح جف القلم وانشف دمع لبته
بجفوف مادارته حيل بغضب لبته
اشتضن دمع الحبر ينفع بعد مايله
الصوج مو بالقلم الصوج با المايله
من گضو كلهم يلي بس القلم مايله
ضل لتوالي العمر يكتب الحاء والباء
ماطلب يوم اشتهه غير الحبر والباه
نحل جسمه ورجيجه اعضاه واللباه
صاح وثغب وانلوه مالانت و لبته









لي

 

[جنون العاطفه]

رد: # # حضوركم بأبوذية تروق لكم ،،،،،***

شلك بالروح لو تدري .. ولع ضام
اتيهن من علي نجبل .. ولعضام
يصلن والاشد منهن .. والاعظم
ابرد والدماء تفور بيه

 

[رواد]

رد: # # حضوركم بأبوذية تروق لكم ،،،،،***

الحزن جر ثوبي ما يقبل ..يهدناي
وألم عافيتي والشامت ..يهدناي
ناي يعوفني ويرجع ..يهد ناي
يعزفن حزن وأنه جروحي بيه

 

[رواد]

رد: # # حضوركم بأبوذية تروق لكم ،،،،،***

نسيج من الحزن بالروح ..ينحك
وعظمي من شديد الهضم ..ينحك
اذا انت يطير انكسر ..ينحك
انا جنحي وخاطري انكسرن سوية

 

[سعد العراقي راقي]

رد: # # حضوركم بأبوذية تروق لكم ،،،،،***

كلف وايست منه الگال حل بيه
دليلي امرعد من العام حل بيه
نحيل ولا عظم بيه ضال حيل بيه
ولا ايدي واهو مشلك بديه









حلالي

 

[رواد]

رد: # # حضوركم بأبوذية تروق لكم ،،،،،***

علية مخلبصات هواي ..ماحيل
ولا حيل ألبقى بفركاك ..ماحيل
تولتني ألشماتة حيل ..ماحيل
وأنه وياهم أصيحن حيل بيه