# # حضوركم بأبوذية تروق لكم ،،،،،***

[mohammed.shams]

رد: # # حضوركم بأبوذية تروق لكم ،،،،،***

احس غيرت طبعك وانته ماهو
هذاك الراده كلبي وانته ماهو
امس طاحت دمعتي وانته ماهو
لان غيرك اجو سألوا عليه

 

[mohammed.shams]

رد: # # حضوركم بأبوذية تروق لكم ،،،،،***

اهلا كتلك بيروحي حللته
عقد وي كل شخص غيرك حللته
انشدك من خذت دمي حللته
شفت بي حبك مبين علية ؟

 

[mohammed.shams]

رد: # # حضوركم بأبوذية تروق لكم ،،،،،***

حرب بالي مع الحسبات جاون
وعلى روحي الهموم بجمر جاون
على اهله الحايط منيطيح جاوين
اذا فوك الغرب يراد ديه

 

[mohammed.shams]

رد: # # حضوركم بأبوذية تروق لكم ،،،،،***

وحك صولة شماتي والصلوهة
بنعش ليكم دمعتي وصلوهه
صلي نعدمت شفتهه والصلوهه
صدك غايتهم يشمتون بية

 

[mohammed.shams]

رد: # # حضوركم بأبوذية تروق لكم ،،،،،***

اوصي الراح والرد من رسالة
عجب شبساع ينسى من رسالة
مشى وودة رسالة من رسالة
جهنم بالضرف وداها لية

 

[mohammed.shams]

رد: # # حضوركم بأبوذية تروق لكم ،،،،،***

الي احباب علمودك ودعوني
طحت ما شفت واحد ودعوني
انا بعرسك دعوني والدعوني
نفسهم جانو يشمتون بية

 

[mohammed.shams]

رد: # # حضوركم بأبوذية تروق لكم ،،،،،***

شحجيلك بحر تموز يالباب
وانا مفصل بخام العوز يلباب
وراك تلكي اخوي شلون يالباب
فما دمعت عينك علية

 

[mohammed.shams]

رد: # # حضوركم بأبوذية تروق لكم ،،،،،***

انحنى ضهري واكابر عدليتة
وبعدني بذاك حزني عدليتة
خلص شوفي بمتاهه عدليتة
طلع منهه وبنى حايط علية

 

[mohammed.shams]

رد: # # حضوركم بأبوذية تروق لكم ،،،،،***

خسر كلمن رضى ووقع بجتلاي
انصبت وعيون عدواني بجتلاي
طحت وسيوف خواني بجتلاي
وردت زنجارهن يفزع علية

 

[mohammed.shams]

رد: # # حضوركم بأبوذية تروق لكم ،،،،،***

بعرش غدر الليالي من من ربعنة
الف صاحب شرينة من ربعنة
سبب جرحك يكلبي من ربعنة
ابد ما للشماتة جروح بية