# # حضوركم بأبوذية تروق لكم ،،،،،***

[mohammed.shams]

رد: # # حضوركم بأبوذية تروق لكم ،،،،،***

كالولي خلك مات حاجوني بسكوت
واسكتت خاف الروح من تسمع تموت

 

[mohammed.shams]

رد: # # حضوركم بأبوذية تروق لكم ،،،،،***

جمال مو طبيعي حيرتني
ابضوة عينك علية حيرتني
كون انكلب يمك حيرتني
عليك التف لماتختنك بية

 

[mohammed.shams]

رد: # # حضوركم بأبوذية تروق لكم ،،،،،***

انه كبالك مصيبة منشدهه
روحي عللجرالي منشدهه
تدري جروح كلبي منشدهه
تطك وضمادهه تسويه شضية ؟

 

[mohammed.shams]

رد: # # حضوركم بأبوذية تروق لكم ،،،،،***

احس غيرت طبعك وانته ماهو
هذاك الراده كلبي وانته ماهو
امس طاحت دمعتي وانته ماهو
لان غيرك اجو سئبو علية .

 

[mohammed.shams]

رد: # # حضوركم بأبوذية تروق لكم ،،،،،***

اهلا كتلك بيروحي حللته
عقد وي كل شخص غيرك حللته
انشدك من خذت دمي حللته
شفت بي حبك مبين علية ؟

 

[mohammed.shams]

رد: # # حضوركم بأبوذية تروق لكم ،،،،،***

خسر كلمن رضة او وقع بجتلاي
انصبت وعيون عدواني بجتلاي
طحت وسيوف خواني بجتلاي
وردت زنجارهن يفزع عليه

 

[mohammed.shams]

رد: # # حضوركم بأبوذية تروق لكم ،،،،،***

انحنة ظهري واكابر عدليته
وبعدني بذاك حزني عدليته
خلص شوفي بمتاهه عدليته
طلع منهه وبنه حايط عليه

 

[mohammed.shams]

رد: # # حضوركم بأبوذية تروق لكم ،،،،،***

الوكت وياك ولمة ولمانه
سمعنا الكال عنه ولمانه
روح سنين ورجع ولمانه
تلكاهه عليدك هيه هيه

 

[mohammed.shams]

رد: # # حضوركم بأبوذية تروق لكم ،،،،،***

اله بنص كلبي حاجه ماسمعني
جذب وجهي منديرة ماسمعني
صحتله وسوة روحه ماسمعني
مشه والتفتت الوادم عليه

 

[mohammed.shams]

رد: # # حضوركم بأبوذية تروق لكم ،،،،،***

چثير اشواگ الي يمچ والايام
واليه اجم اخو عندج والايام
النخل والماي وادعني والايام
ويصيح ارجوك رد للناصرية