حكمة من مضايف اهلنة

[عبدالله الجميلي]

قصة من التراث العراقي (حكمة من مضايف اهلنا) ...

يقول أحد الشيوخ فد يوم اجه واحد من غير عشيره لديرتنا ...شايل بجيبه غلاف مال ابرة بنسلين اللي بالعاده يكون بيها طوز مالت الدوا ..بس هالمره بهذا الغلاف مي ...وجان سعر اﻻبره من الصيدليه بخمس فلوس ومن المستوصف بلاش تاخذها....

طلب يلتقي بالشيخ تلكاه ابن الشيخ اهلا وسهلا طببه للمضيف وشرب كهوه واجه الشيخ رحب بيه اول يوم وبكامل الضيافه والعزوبيه ...ثاني يوم بالليل كعدوا يسولفون ونص العشيره كاعده ..فسال الشيخ الضيف ابو فلان زيارتك هاي شرفتنا بيها وانت صاحب الفضل وخاف عندك شي تامرنا بيه احنه خدام ...

كال الضيف للشيخ تسلم ابو فلان بس اني عندي حاجه اريد ابيعها الك لان محد يستاهلها ويقدرها غيرك ....
كاله شنهي الحاجه وابيش ..
رد الضيف كال الحاجه هاي الابره واريدها بعشر دنانير ...وكام اطاها للشيخ ..
الشيخ باوعلها وخلاها تحت الغليجه ....وصاح على ابنه بويه روح لامك كلها تطلع من الصندكجه عشر دنانير وانطيها لعمك ......

العشر دنانير جانت بوكتها هواي كلش فاستكثر اﻻبن الفلوس شنو ابوي تخبل حتى يشتري ابرة بنسلين بعشر دنانير بس يجوز بيها شي غالي اني ماعرفه ....
المهم الضيف اخذ الفلوس واستاذن الشيخ حتى من الصبح يودعهم وشكره للضيافه وكام ينام ....
الشيخ هم من راح الضيف لفراشه كام يريد يروح لغرفته وعاف الشيشه بمكانها فابنه عباله نساها شالها ضمها .....
وره شهر سأل اﻻبن ابوه الشيخ كاله بويه الشيشه اللي اشتريتها بعشر دنانير من خطارنا اني ضميتها لان انت نسيتها بليلتها تحت الغليجه من كمت ...وصارلي شهر اباوع للبيها ماعرفت شنو الغالي بيها شو مبين البيها مي من النهر..

كاله بويه خطارنا جان محتاج فلوس واجه جايب ماي وجهه بالشيشه ولان هو ابن اجواد ربعه ومحترم وابن خير ماراد ينزل ماي وجهه كدام ناس ماتستاهل ويطلب منهم لان الوكت ضنكه شويه ...اجاني واني يابويه موغشيم اشتري ابرة بنسلين مابيها دوه بعشر دنانير وبيها ماي
بس يابويه مادام ظن بيه ظن الخير ودك بابي طالب شي مالازم افشله .لو اعرف ابيع هدومي .

العبره من هاي السالفه لا تنتظر شخص حتى يطلب المساعدة منك ... مرات اكو ناس بأمس الحاجه للمساعدات والاكل ..الخ
بس يستحون يحجون .. ولازم انته بدورك تقره الكلوب والعيون شتطلب منك الوادم اللي ذبهه الوكت..........

والجود من الموجود..

 

[тнє ρяιηςє нιgнηєss]

رد: حكمة من مضايف اهلنة

[font=&quot]كل[/font][font=&quot] الشكـــر [/font][font=&quot]لك[/font][font=&quot] على[/font][font=&quot] هالطرح [/font][font=&quot]الأكثــر[/font][font=&quot] من [/font][font=&quot]رااائــــع[/font] ..
[font=&quot]لا[/font][font=&quot]عدمنا[/font][font=&quot] هالتمييز[/font][font=&quot] و [/font][font=&quot]الابدااع[/font] ,,
[font=&quot]بأنتظااار [/font][font=&quot]جديدك[/font][font=&quot] بكل[/font][font=&quot] شوق[/font]
[font=&quot]تقــــديري [/font][font=&quot]و[/font][font=&quot]آحتــرآمي[/font]

 

[عبدالله الجميلي]

رد: حكمة من مضايف اهلنة

شكرا جزيلا لك ربي يوفقك ان شاء الله تحياتي وتقديري وامتناني لك

 

[شهد~]

رد: حكمة من مضايف اهلنة

عبرة جميلة من تراثنا العريق
سلمت يمناك فاضلي
تقديري

 

[عبدالله الجميلي]

رد: حكمة من مضايف اهلنة

اختي شهد
بارك الله فيكم وجزاكم كل خير واسعد الله ايامكم بالخيرات والمسرات

 

[عبدالله الجميلي]

رد: حكمة من مضايف اهلنة

بسم الله الرحمن الرحيم
هلا والله ومليون غلا تو مانور المنتدى

 

[قيصر الحب]

رد: حكمة من مضايف اهلنة

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

 

[آهات حالمه]

رد: حكمة من مضايف اهلنة

سلمت يمينك على ما نثرت من رقي و إبداع
أتمنى لكـ دوام التألق و التميز
تقديري يسبقه إحترامي

 

[غمزة]

رد: حكمة من مضايف اهلنة

سلمت لعطاءك الزاخر
دمت بكل خير