حلماجت واتذكرتني بالهوى العذري
وبليله كمر متاخر الفجري
اجت والخوف مالي الوجه من ابعيد
مذعورة وبجت من شدة الذعري
شفت هاله وجه اتضوي من ابعيد
وعبير الورد بنحاء الجسم يسري
من رفعت نقاب الوجه زاد الشوك
وضوه الوجنات شع على الحنج والثغري
تمنيت الوقت ما يخلص بساعات
واشبع شوف من اجبينه الخمري
دخلت والمفاتن وكعت على الروح
وبدت بالعتب صب الدمع ماتدري
لا منديل كفكف دره من ياقوت
ولا نهر الجمان اتحمل الدري
ما ادري الحزن بيه الجمال ايزود
العين اتعلقت بشفافه البكري
ولا شايف دمع من يغمر العينين
يسحر لو غفه بعيونه الخضري
اسئلته "مـ الخطب" ياحلوة الحلوات
اشو زاد الدمع ما نشف يا عمري؟قالت بالرحيل اسمعت عندك راي
ونه مجربه الهجر بيه رجعه موجذري
لكن بالرحيل اتموت كل اعضاي
على الصفنات اعيشن عسرتي ويسري
كتله الحياة انبنت من ارحيل
ما نرتاح الا بنومة القبري
كالت والاماني اتروح كلها اشلون؟
كتلها النقدره يوفي بالامري
ياقلبك صخر جلمود قالت لي
عندك قلب بارد وانه من جمري
وصحيت الصبح والزم بالحلم فدوات
صدك هي اجت لو راحت لغيري؟!
