حوار بين حبيبين..........

[انہۗثہۗى مہۗلائہۗكہۗيہۗهہۗ‏]

حوار بين حبيبين

​

ليش عفتيني ونسيتي وليش ضيعتي السنين
وليش ماهزج ضميرج دمعتي وذاك الحنين
انتي مو كلتيلي ارجع يمته يمعوده تجين
///
الحبيبه

انه ماعفتك حبيبي انت ماتدري بعذابي
الدنيا بعدك حاربتني وذبلت زهرة شبابي
انت لاتعتب عليه وياك ماينفع عتابي
///
الحبيب

لاالومج وابقه اعاتب يل نسيتي وعود حبنه
لاتكولين شبديه وذنب وكتي ومو ذنبنه
احنه ذبلنه المحبه وشوك حطينه بدربنه
///
الحبيبة

فدوه لاتقسه بعتابك انت كل عقلك اعوف
وانه احس روحي حمامه وعله ديارك تطوف
وأزرعت حبك بكلبي وداريته وامنته من كل خوف
وعيني من حاربهه شوفك حرمت بعدك تشوف
///

الحبيب

جان حبج سر وجودي معلك امالي عليج
هسه ضيعتي المحبه وانه هم ضعت من اديج
رحتي بس مااخذتي روحي جدمي مايخطي ويجيج
///
الحبيبة

من ردت اكتب عتابي تبجي وياي الحروف
جان سيف الدنيه ضدي واحن من كل السيوف
انت لو فعلا تحبني جا صرت عكس الظروف
///
الحبيب

ياظرف واحساسي شاعر حزني ويه احساسه بات
وحبنه راح وماله رجعه وبقت بس الذكريات
ياحياة العنهه تحجي واحنه كلشي البينه مات
///
الحبيبة

موتت حبنه بسهوله وبالعجل شفتك نسيت
اتضح حبك روايه وبيهه بس انه الهويت
انه مااريدك تردلي انت من كلبي انتهيت
///
الحبيب

مو انتي جنتي النظر للعين وانتي اعتاب السنين
وانتي الجرح الكافي وانتي الهوى والسر الدفين
مو اني كتلج الج وظليت أعله طول السنين
تهجريني يبنت الناس وهسه جايه تعاتبين
///
الحبيبه

انت موكتلي احبج وابحبج انسه اهات السنين
وانت مو دومك طمنت كلبي يبطل انين
وجنت اعرفك دوى لجروحي وبلسم لكلبي العليل
تالي اطعنتني طعنه ما انساها الك طول السنين

 

[المشتاق]

رد: حوار بين حبيبين..........

أختي الحديثيه الشمريه
سلمت يدآكِ لهذه اللوحة الرآئعة
{{{ حوآر بين حبيبين }}}

للمزيد من جمآل الأبدآع وفن القصيد
تحيآتي ودعآئي
دمتي موفقة​

 

[انہۗثہۗى مہۗلائہۗكہۗيہۗهہۗ‏]

رد: حوار بين حبيبين..........

مشكور اخي الغالي على المرور العطر
منورررررررررررر

 

[عاشق انفاسك]

رد: حوار بين حبيبين..........


رسمتيها بحروفك

هنا .,,

وجع يتنقل في الشريان

تذلفه الدمعات ,..

قطرات قطرات ..

وتبقى المعاناه ... جرح

نازف ..

وطعانات مؤلمة في خاصرة

الكبرياء ..

حتى الذوبان والتلاشي

لم يبقى شي في القلب

يسكنه

الا ونات ..

وآهات .,,,,

تدوي في غربة الروح

حيث لا احد يسمع

الانين ..

سوانا ...

وهكذا ورغم كل هذا ..

لا نملك ..

الا ان نصبر ..

ما حيلتنا غيره هذا ..

دقة قلب

نزف ذات صباح

اخذنا في طريقه

الى ينابيع الوجع

في اعماقكِ

سلمت هذا الاحساس

وهذه المشاعر الفياضة

بالها ووجعها ..

مودتي

 

[admin1]

رد: حوار بين حبيبين..........

 

[انہۗثہۗى مہۗلائہۗكہۗيہۗهہۗ‏]

رد: حوار بين حبيبين..........

مشكورين اخواني الغوالي منورين

 

[المايسترو]

رد: حوار بين حبيبين..........

ابداااااااااااااااااااع