سيد واعترف بعيونك الشارات
......................................
حبيب انت حبيبي وما أبدلك دوم
انت الكون كله وانه احب كونك
شفت لونك حبيبي مايشابه لون
عديت الالوان وما طـــلع لونك
عيونك بحر والناس تاهت بيه
سبحان القديـــــر الكحل عيونك
سنونك من تسولف جنهه غدارات
وأدخيلك حلو من فركة سنــــونك
تترامش غضب جن ضابط بثكنات
وياثكنـــــــــات تكدر توسع جفونك
ياضابط وهيبه وبيك رفعة راس
زعيم وبالوطن محبوبي خيعونك
كون انه رئيس واحكم بلا قيد
احطك بالدفاع وكلهه من دونك
اسويلك اسطول وكامل الاوصاف
وياشعب التريده يطيح بفنونك
طركاعه يحبي ودولبيت الناس
أو ولا واحد يغلطك باليحبونك
ياشيشة عسل والناس تتمناك
سد بابك حلو خايف يلحسونك
سيد واعترف بعيونك الشارات
وشو صارت سره وكلهم يحنونك
سوينه معارض للنحت ياناس
والوادم تتـــــــاني عالينحتونك
طلع واحد يكلهم عمي ماموجود
سوو كل شكل بس ما يسوونك
انه الممنون منك ياحبيب الروح
اظل للموت يامحبوب ممنونك
