خاف المحافظ خاف ابنچ يشومة

[رمااد اانسان]

اكو وحده من امهات كبل اسمها شومة ،
وجان ابنها يشتغل شرطي مرور راحت يوم من الايام لبيت حجي محمد تخطب لابنهه مره … فسألها ابو البنية : شيشتغل ابنج؟
شومه مره جبيرة نست وظيفته ابنهه وشنو يشتغل
فأجابته شومة قائلة :
كل هوسة من اتصير ابني اليحلهة
لو رفع چفة الناس توكفله كلهه
فقال لها حجي محمد :
خاف المحافظ خاف ابنچ يشومة
ياهو اليوكف الناس بس الحكومة
فاجابت شومة قائلة :
يمة ابني يلبس قاط ازرگ فرد لون
بس لمن يجينة الصيف ابيض يبدلون
فقال لها حجي محمد :
ياشومة حرت وياج دوختي راسي
فهميني هم جكسار عندة وكراسي
فقالت له شومه :
لايمة حيل ايخاف من هألسياسة
تاج ابني يلبس دوم فوك اعلة راسة
فقال لها حجي محمد :
كليلي اشمكتوب فوگ الهوية
ياشومة اترچاج حليهه الية
فاجابته شومة :
يمة ابني دوم ايشيل بچفوفة دفتر
وكل مانمر ونفوت بألفلكة يفتر
فقال لها حجي محمد :
ياشومة اسكتي ارجوچ كلش عرفتة
ابنچ مرور وحيل تكتل وكفتة
فاجابته شومة :
حاجيني هسه شلون سويلي چارة
شنجاوب المعلول من توج نارة
فقال لها حجي محمد :
ياشومة اشربي الچاي وتغدي عدنة
بس الصدگ ينگال مخطوبة بتنة
وبعد ذلك رجعت شومة الى ولدها خائبة الامل
فقالت لولدها ...
بنفس الدرب رديت وعيوني بالكاع
ضاعت الف ياحيف من چف الاسباع
وهسه ابنهه نفسيته تعبانه حتى الاكل كطعه مكرود .
وبلش بالسيارات دك وصولات
تحياتي واعتزازي لرجال المرور..

 

[نـِِـِـوُر]

شَكَِراً عَ الَطَرَحَ القَيََمَِ

 

[باقة ورد]

ههههه كلش حلوه السالفة.. بس المگرود خطيه طلع حرتّه بالناس المساكيـــن

كلش شكرا أخي