العـ عقيل ـراقي
اجملُ شيء التجاهل..
قصة ام استشهد ولدها في مطعم فدك
في الناصرية..فكانت هذه الكلمات عن لسان حالها..
خبر عاجل يبني وما فهمته..
يبني ربعك من تمرني
شگلها ووين حظي أمنيته
يبني هزني خبر موتك
وشفت عمري البيك جنيته
يبني ورجعت لصباي كلش
وشكثر هم وحزن ماشيته
يلكلشي إلي أنته بدنياي
غربة طشت أسنينك بسكته
ما خف چدم ليك وبواهس
كلها
ركضه گظيت العمر وأملته
وچنك تدري أحسين جاي
وگرب إهلال عاشور ولمعته
رحت خذت ويلادك إنذور للملگه
يا كُبر عشگك لعاشور ودمعته
سوالف طشن ضواهن عله الناس
وأنه بسوالفهم اليوم يبني ميته
گلي ياواهس اسنيني وفرحها
شلون لذكراك انسه
وانه بروحي حويته
وچم حلم مر عله چفني
وگلت أداري بيك شيبي الچنيته
بيبان الدهر فكهن علي هساع
وكسر گلبي وبروحتك
بيتي هدمته
مشامر مشامر وي الوكت
وأفزع لون مر طاريه
واعرفنه حيد
غربة ما طوته
لچن يا الف وسفه
بين أهلك وگاعك
ماي اسنينك جفيته
وتبده كل ذاك المساهر
ورديت عله المامش
ولبيرغ اهلنه يبني لويته
شعنده يرفرف وحگ الموت
الخذاك..
أفزعهن عليك مفرعات
وأطشن بشهگة المعرسات
وأگلك ليش وازيت المنايه
واخذت عمري ومحيته
يا احله سالوفة بعمري مرت
ويا ضحكت البربين والنعاع
وعز بيتي وهبيته
هاك اخذهن وياك مايفيدن
عيوني ونظرهن العميته
موشلات كلش بلا دمع
فضفضنهن الليالي
وصفت براسي موتتك
والباقي كله نسيته..
15/09/2017
عقيل العراقي..
الفاتحة على روح الشهداء..
في الناصرية..فكانت هذه الكلمات عن لسان حالها..
خبر عاجل يبني وما فهمته..
يبني ربعك من تمرني
شگلها ووين حظي أمنيته
يبني هزني خبر موتك
وشفت عمري البيك جنيته
يبني ورجعت لصباي كلش
وشكثر هم وحزن ماشيته
يلكلشي إلي أنته بدنياي
غربة طشت أسنينك بسكته
ما خف چدم ليك وبواهس
كلها
ركضه گظيت العمر وأملته
وچنك تدري أحسين جاي
وگرب إهلال عاشور ولمعته
رحت خذت ويلادك إنذور للملگه
يا كُبر عشگك لعاشور ودمعته
سوالف طشن ضواهن عله الناس
وأنه بسوالفهم اليوم يبني ميته
گلي ياواهس اسنيني وفرحها
شلون لذكراك انسه
وانه بروحي حويته
وچم حلم مر عله چفني
وگلت أداري بيك شيبي الچنيته
بيبان الدهر فكهن علي هساع
وكسر گلبي وبروحتك
بيتي هدمته
مشامر مشامر وي الوكت
وأفزع لون مر طاريه
واعرفنه حيد
غربة ما طوته
لچن يا الف وسفه
بين أهلك وگاعك
ماي اسنينك جفيته
وتبده كل ذاك المساهر
ورديت عله المامش
ولبيرغ اهلنه يبني لويته
شعنده يرفرف وحگ الموت
الخذاك..
أفزعهن عليك مفرعات
وأطشن بشهگة المعرسات
وأگلك ليش وازيت المنايه
واخذت عمري ومحيته
يا احله سالوفة بعمري مرت
ويا ضحكت البربين والنعاع
وعز بيتي وهبيته
هاك اخذهن وياك مايفيدن
عيوني ونظرهن العميته
موشلات كلش بلا دمع
فضفضنهن الليالي
وصفت براسي موتتك
والباقي كله نسيته..
15/09/2017
عقيل العراقي..
الفاتحة على روح الشهداء..