خذني يمك بعد ماضل كل عذر لاتعتذر

[طيبتي أكبر همومي]

خذني يمك بعد ماضل كل عذر لاتعتذر

ليل عمري وعمرك مخلص بعد مابيه صبر

خل نلم احلامنه وناخذ صورهن قبل لاياخذهن ابدربه الفجر

وخل نلم الباقيات سنيني وسنينك نسويهن عمر

وهنه ميكفن عمر؟؟

ونبدي من جده وجديد بواهس سنين الصغر

ولو وازانه الكبر

خل تمشي ايامنه بخطوة العاقل من عثر مره ورجع يمشي حذر

وخل نعيش الحب ستر

خل نظم ارواحنه ابيناتنه وي اسرارنه وما نشتهر

وأفتخر بيه وي روحك وآني وي روحي اضل بيك افتخر

خل نسوي العشره ورقه

ونصنع من الدمعه والضحكه حبر

حتى كل لحظه التمر بالجاي نكتبها شعر

وخل نكول الماضي غلطه وذنب يسجل ذنب من ينذكر

حبني لاتضل تعتذر

حبني واجبرني على حبك؟ الروح ماتعشك لون ماتنجبر

السيف ماينهاب لوماكو الطبر

حبني لاتضل تعتذر

واعترف راح اعترفلك

واحنه شو نفس الامر!!

اثنينه انبعنه بسعر جوه السعر

اثنينه انبكنه حدر شمس الظهر

اثنينه السجين تانتنه نذر

اثنينه اتوهمنه بالحب ننتصر

اثنينه انعاني الغدر

واعترف راح اعترفلك

كلبي جان شكد جسر

وآنه جتفت الجسر

وآنه وزيت الحمامه على النسر

واسمع السر الخطر

صنم؟ سويته ابديه وادري ماينفع يظر!

وحاطه كبالي وعجيبه الشوك

من عنده انتظر

وانته مثلي بهل أمر

صنم سويته بديك شتنتظر

خل نهدم اصنامنه وكافي الكفر

وبالكي نهده ونستقر

وبلكت وياك وانه وياي استمر

وبلكت المامر كبل هسه يمر

وبلكت جناح العشك لبعيد ياخذنه ويفر

ونترك الممنوع والميصير

خل نغط بلماي من صرنه جمر

وبلكي نصحه من السكر

خذني يمك كبل لايخلص صبرنه

ويطفه دم وجوهنه وتطلع صفر

خذني يمك كبل لاينحك ذهبها اطباعنه وتطلع صفر

خذني يمك كبل لا يم الصفر ينحط صفر

 

[فاضل البصراوي]

رد: خذني يمك بعد ماضل كل عذر لاتعتذر

عاشت الايادي ع الطرح

 

[المشتاق]

رد: خذني يمك بعد ماضل كل عذر لاتعتذر

أبنتي المبدعة بسمة فرح

سلمت يدآكِ لهذه اللوحة الرآئعة
والقلآدة الجميلة
ذآت الإطآر السآحر
{{ خذني يمك بعد ماضل كل عذر }}
إختيآر موفق

دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

 

[قيصر الحب]

رد: خذني يمك بعد ماضل كل عذر لاتعتذر

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[رمااد اانسان]

رد: خذني يمك بعد ماضل كل عذر لاتعتذر

رااااااااااااائع يسلمووووووووو
ارق تحيه

 

[آهاات حالمة]

رد: خذني يمك بعد ماضل كل عذر لاتعتذر


سلمت يدآكِ ع الانتقاء المميز
الله يعطيكِ العافية
ودي

 

[كيان الم]

رد: خذني يمك بعد ماضل كل عذر لاتعتذر

اخذت اتجول بين الكلمات
وارتشف منها اعذب المعاني الساحرات
وقطفت منها اجمل القطفات
فكانت لدي ارقى مقطوعات
عزفت على اوتار الخربشات
سلمت على هذا الطرح الراقي
وعلى هذا السحر الفتان
جٌل محبتي والإحترام
تحياتي لك لا عدمناك