خلها اعلة بالك \حصريا لفخامة العراق
خلها اعلة بالك دعوتك
يالردت تحرمني الطفل
تعنيت للعباس انة
وشديتلك راية وقفل
وتدري ابو فاضل مايرد
كافل وكدها لو كفل
كل عمري ماجارح بشر
اولا ارد رد ابلا عقل
متربي ترباية زلم
واتصرف بحكمة و ثكل
مامشتري اخلاق بثمن
اخلاقي اوزنها بجبل
ماعيش بولاية علي
لوما على اكبر مثل
علمتك وياما كلت
لاتطعن العنك غفل
تدري اللي يطعن صاحبة
بعاداتنا نسمي نذل
ومنبوذ يم كل صحبتة
يشوفونة مختل العقل
احجيلك شوية علي
مازيد كلمة اولا اقل
عايش وسط (تحذير رابط هكر لاتضغط عليه) بشر
وكل يوم الف مرة انكتل
لااعض كلمن عضني
اولا زاعل المني زعل
لاخوف لاقلة فكر
الادب هم ردة فعل
احفظ درس مني الك
اتواضع وذل النذل
ولتكبر السانك بعد
كبر اخلاقك بالفعل
بقلمي
عامر العراقي
