خليت روحي بعتبة الباب

[حكاية روح]

[gdwl]

​

الباب , بعتبة , حاجة , روحيhttp://forum.iqr0.com/showthread.php?t=232145​

​

خليت روحي بعتبة الباب

​

امس خليت روحي بعتبة الباب
بلكت بيها تعطف كون مريت
صور بالي خفت لا يوم تنساك
رسمت البال صوره بحايط البيت
مكابر روحي صارت لليدفنون
بهجرك صفت روحي تلوك للميت
المضيع ولف كل ضنه يلكاه
انه الغلطان ضني وبيك ضنيت
نارك ما طفت يل ضنتك ابراهيم
بردا لو سلاما جا كلتهن ريت
الك ناعور ضل اباب العيون
وكف من شاف ملح العين صبيت
الجفن للعين ساعت نومها شراع
جوادر جفن عيني وياك سويت
عشك اطفال روحي لهزت الكاروك
كارورك حضنته وما احس هزيت
جكاره من عشكته وشايب هواه
شمرني الجان يزهي بترست الباكيت
كبل تنخاني افزع وسط الارماح
وتعاتب رمح لو مني عديت
وصرتلك ماي ساعت شحو عليك
ترش بيه الشماته تكول ضحيت
درعت الزيج لمن ثارو عليك
عفت اهلي وجيت اوياك صفيت
والف مشكور منك هاي المجازات
خوش جروح تازه بيه حطيت
اليسئلك علي لتكله عافاك
ملك فوك الجتاف وياك ضليت


راقت لي

[/gdwl]​

 

[ابن الفرات]

رد: خليت روحي بعتبة الباب

ما راق لكِ راق لي واكثر
شكرآ مشرفتنا الغاليه لروعه وجمال الانتقاء
دمتِ بخير
​

 

[شواطئ الغربه]

رد: خليت روحي بعتبة الباب

أسمحيلي أبدي بأعجابي بتميز قلمكي الرائع
كلمات روعة وطرح اروع
تقبلي مروري
تقديري

 

[حكاية روح]

رد: خليت روحي بعتبة الباب

منورين شكرا لكم
باقة من الياسمين لقلوبكم
احترامي زهرة

 

["هيبه ملكـ "]

رد: خليت روحي بعتبة الباب

ها انا اقف مجددا امام عذوبة الكلمات ورقة المعاني

لوحــة ادبية رسمت بحروف من ذهب

صورت لنا اعذب احاسيس الكون

رصعت بشذرات قلمك الرائع

اسمحي لي ان ابدي اعجابي بما خطت اناملك

تقبلي مروري وردي البسيط

هيبة ملك
​

 

[حكاية روح]

رد: خليت روحي بعتبة الباب

شكرا لكم ولروعة حظوركم
احترامي