خل نحجي الصراحة وكافي نتجامل

[♥ سـآلـي ♥]

خل نحجي الصراحة وكافي نتجامل

خل نحجي الصراحة ونحجي بالمكشوف


نفك اصدورنه والكلب حته نشوف


نشوف بلاحرج منهو اليحب ويموت


وتصحه حالته لو مره ولفه يفوت


اوصف حالتي كلبي عبر صبره


يتمنه يموت وببابك يحط كبره


حته من تمر عل الكبر ونته تروح


تحس بهل الكلب باقي بعد بي روح


ادوس اعله الكلب امرك تره مسموح


بلكي بدوستك مطيب خطيره اجروح


كلي انه عندك هم صدك مقبول


اسمعه بصراحه رايك انته اتكول


كول ولاتمازح رايك انته وياي


رايك لو عسل لو سم اشربه بماي


بلكت بالعسل رايك ورايي ايصير


كالها الكلب بس خانه التعبير


رايك من تسم شربني سم بهداي


بلكت يلمحب كلبي يموت وياي


تدريه الكلب عنك فلا غادر


حبك بيه وحبك ذهب نادر


عيش وتحمل هل الحمل مطلوب


هواية أتحملت هم مثلي هيج اكلوب


ليش انته ويه اليحبك هيج تتعامل


خل نحجي الصراحة وكافي نتجامل ​

 

[ننۈڜـِـِـِهہ . . . =$‘]

رد: خل نحجي الصراحة وكافي نتجامل

عوافي ع الططرح يالغلا
وتسسلم الايادي
ماننحرم من طلتكك =)

 

[رومانسي بس منسي]

رد: خل نحجي الصراحة وكافي نتجامل

ســــالي
سيدة الكلمات
كلماتك روعة تسلم ايدك
الله يعطيك الف عافيه
بنتظار جديدك بكل شوق
تحياتي لك
رومانسي بس منسي
كان هنا

​