خوة زمانك بيهه شحه

[سيد الكلمات]

خوة زمانك بيهه شحه
...............................
صار اسنين تدي شمالك اشبيك..
لابد ياكلب فد يوم تصحه
تصيح الغوث لسه وعلتك بيك
يدري الصوبك وعيونه وكحه
تنزف ألم انته من وصل ليك
لاتنسه اجه وذر بيك ملحه
كلي يا اخو بهليوم يشريك
لو يسمع كلامك من تنصحه
وشترجه بعد ماطوله ياذيك
هم أسمعت منه احجايه سمحه
مو صاحب طويله من يخاويك
صاحب طمع والله يريد ربحه
من جده وجديد وخلي اراويك
وكل ليل اليمر يمحيه صبحه
فك اعيونك اختار اليخاويك
ولو خوة زمانك بيهه شحه
لابد يوم الك تلكي اليخليك
تصير بصحبته ساعود سبحه
وبدرب العدل حتما يدليك
وسرك لايبيعه ولا يفضحه
توعدني يكلبي خوفي اعليك
بعد مابيك عثره الماضي امسحه
بسك ياكلب خليني اداويك
لابد للزمان يجيب فرحه
..................................................................
م.

 

[رمااد اانسان]

قصيدة ثرية بالصور الشعرية ومعبرة
يسلمووو على الاختيار الموفق
ارق تحية عطرة

 

[سيد الكلمات]

قصيدة ثرية بالصور الشعرية ومعبرة
يسلمووو على الاختيار الموفق
ارق تحية عطرة

اسعدني مرورك الكريم... أخي العزيز... رماد انسان
تحياتي وتقديري لك

 

[فتنةة العصر]

مامن غريب دائما
الإبداع عنوانك

 

[قيصر الحب]

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي