خويه طولت البعد .. علاء كريم

[מـلـ♥ـڪ ألـבـ♥ـب ألـמـ♥ـدريـدي]

مساء الخير احبتي اعضاء وزوار فخامة العراق

اقدم لكم كلماتي المتواضعه اهداء لروح الشهيد احد اعضاء المنتدى محمد هاشم " no name "

خويه طولت البعد مو گتلي اجيك .؟
مو گلت مشتاگ يا كل هالعمر .؟
شو رحت عني وخذت حيلي ومشيت !!
صار ع الفرگه سنه شگد انتظر .؟
خويه مرلي بساع ماضل بيه حيل
والله بعدك ظهري الف مره انكسر
لا تكلي اعذار اظن تعرفني زين
ما اقنع بفرگاك لو مية عذر
يعني معقوله النجف احلى من اخوك !!
هيج حظن ترابهة يطفي الجمر.؟
زين جاوبني سبب هالفرگه ليش.؟
صارلك چم شهر ما تگدر تمر ؟!
يا بعد حيلي وبعد ضحكة شفاي
چنت رايدلك عرس مو مگبره
بيوم عرسك چنت اريد تلمنه كون
موش المغيسل وتشييعك تره
هالوكت صاير سره لموت الشباب
وع باب الموت راح اضرب سره
خويه خنگه الدنيا صارت من مشيت
ومن اذكرك يبچي حتى المادره
جنت ركاض اجي لحظنك واديك
وهسه گبرك من امر لازم اعبره
يابو حسين احرسه الخادم بگربك
وهالذكرى اظن رح يخدم بگبره
سجله زاير كربلا بدفتر الزوار
وبالجنه دخيلك يا علي تحضره


الف رحمه ع روحك حبيبي❤

الفاتحه ع روح الشهيد ..

بـقـلـمـي : عـلاء كـريـم

 

[زُمُــــرُّدة]

رد: خويه طولت البعد .. علاء كريم

كلام جميل وإحساس روعه
سلمت الأنامل الذهبية
مننحرم من إبداعك
والف رحمة ع روح الشهيد
تحياتي

 

[מـلـ♥ـڪ ألـבـ♥ـب ألـמـ♥ـدريـدي]

رد: خويه طولت البعد .. علاء كريم


ممتن لحضرتج عزيزتي
من ذوقج يالطيبه
ويرحم موتاج ربي

 

[و مضة]

رد: خويه طولت البعد .. علاء كريم

خويه طولت البعد مو گتلي اجيك .؟
مو گلت مشتاگ يا كل هالعمر .؟
شو رحت عني وخذت حيلي ومشيت !!
صار ع الفرگه سنه شگد انتظر .؟
خويه مرلي بساع ماضل بيه حيل
والله بعدك ظهري الف مره انكسر
لا تكلي اعذار اظن تعرفني زين
ما اقنع بفرگاك لو مية عذر




عيوني علقت قبل القلم الف رحمه على روحه فراك الاخ ماينوصف عذابه

 

[المشتاق]

رد: خويه طولت البعد .. علاء كريم

[SIZE=+0]

[SIZE=+0]

[SIZE=+0]

[SIZE=+0]

أخي المبدع ملك الحب المدريدي
سلمت يدآك لهذه اللوحة الرآئعة
والقلآدة الجميلة
ذآت الإطآر السآحر
{{ خويه طولت البعــــد }}

دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

[/SIZE]​

[/SIZE]​

[/SIZE]​

[/SIZE]​

 

[מـلـ♥ـڪ ألـבـ♥ـب ألـמـ♥ـدريـدي]

رد: خويه طولت البعد .. علاء كريم


تسلمين خيتي
ويرحم موتاج ربي

 

[מـلـ♥ـڪ ألـבـ♥ـب ألـמـ♥ـدريـدي]

رد: خويه طولت البعد .. علاء كريم




ممنون منك اخويه
هذا من ذوقك يطيب