خيط شمعة

[سيد الكلمات]

خيط شمعه.
...................................... ........ ...
شحيح بشوفتك .....هم كلت لاباس...
مو فدمره. .
وك كلبي تلوعه...
بلوحشة غيابك تشده البال...
وكبل يوميه..
صوتك جنت اسمعه.....
شلون اصبر...
وأنه المتعود اعليك..
مثل ام الوحيد الي تودعه...
من أبعدت ...
تدري اشصار بلروح..
يلخلافك علي...ضاكت الوسعه..
ذابت عمي روحي اعليك...بسكوت..
ورافكت الشمع..
دمعه اعل دمعه...
اني اعليك ظال بهاي الاحوال..
وي روحي احترك..
جن خيط شمعه..
بعيوني جنت اني من احاجيك...
وأنه القاريك...
بس شوفك ترفعه..
نويت اعل الرحيل ...بفعلتك هاي..
وما كلت المتيم..
خل اودعه..
هلبت..حسبت يمفارك العين..
حبل مودتك..ناوي تكطعه..
انته الفاركتني..
وظال محتار..
شبه مفطوم يبجي اعل الترضعه..
عيني اعل الدرب..
وتشمشم...اخبار..
وأنخه من السمه بلكت ترجعه..
ولك حوبة العشره ...
تعثرك يوم.
ومو عجبه المحبه ولاهي بدعه..
يلبصفي خيالك..
ظال للدوم..
احس صوتك بذاني وما اضيعه...
بنص كلبي احطك..
تسمع. اشبيه..
استاد ونص صرت...
ضابط الصنعه..
تتمردغ كمت ...
من شفته يهواك.
صدك من الاول هذا طبعه..
لون مابيك ضنه تعاود اردود..
بشرايينه يغاتي.. .
وياك كبعه..
واتبعنك وأكلك شوف يفلان..
حال المحب هذا..
وشوف وضعه..
يظل هايم نهاره..ويسهر الليل..
وعن شوف اليحبه...
من يمنعه..
................................................... ..........
م.

 

[✿قہہمہہر✿]

رووووعه

 

[mohammed.shams]

روعه
عاشت الايادي

 

[سيد الكلمات]

رووووعه

الاروع هو مرورك العطر... تحياتي

 

[سيد الكلمات]

روعه
عاشت الايادي

تسلم... اخ محمد.. اسعدني مرورك الكريم

 

[قيصر الحب]

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي