الله يسامحك ادعيلك بهاي
وعليك من الندم ماظل اصابيع
شريتك بوكت محد جان شاريك
وبعتني برخص بوكت لمحد يبيع
يطيبن ها تكولي يطيبن شلون
شنو ابالك بعد هم ظل مشاريع
اشتداوي وبيا انا جروحك درابين
اذا ينزل دواك ابينها ايضيع
مواضيع الوفا والحب والاخلاص
دفا الايام ومسامر الاسابيع
كمت اكرهن وما حبهن وياك
بكثر ما جنت احب هاي المواضيع
من الباب اجيتك جنت شاريك
وعاف هواي قلبي وقلبك اختار
صار اسنين احبك مو عشك يوم
حتى انساك صدفه وجهي يندار
الك بالروح حسرة تكطع الروح
والك جرح اعلى الطول من البعد صار
طعم الليل بعدك من يجي اليل طعم راس الشهر للكاعد ايجار
يعني اشلون كلي تروح ونساك وشبر بشبر بغرفتك عندي تذكار
انه بنار هجرك مشتعل ماي و ماي ومشتعل ابيش انطفي بنار
وضميتك رغم كل هاي لجروح مثل ضمت قراءة بحضن لصغار
وصرت معبود ويا الدار والدور ابالي ومنو يشيل الدور والدار
وحفظت اسنين حبك عن ظهر غيب حفظ صف اول بااول نشيده
وعليه اسهامك انته شكد قريبات بكد ماعنك اسهامي بعيده
وكول المهم ايامك سعيدات رغم ايامي ماجانت سعيده
منك ما امل وجروحك اعزاز اريدنك تجي وجرحك اريده
ويجي سهمك بقلبي يكطع الروح وصفكلك وكول الله عينه
ابغيابك الك مو بس قلبي مكسور الك مكسور حتى قلب القصيده
جنت من اقراءه كلها تصيحلي الله جنت وياي كلهم يسمعوني
وهسه بغيبتك ما حرك احساس وحس حتى بالصف كلهم ديجاملوني
بدونك ما رحت من جنت مجروح ودست جرحي ورضيت تروح دوني
الكرامه وغيرتي وجروحي لكبار اريد شما اجيلك يبعدوني
بايدي شلتك امس ودريبك تروح وجنت فوك الجرح تنزف مراره
وكولن اتركك بس احن وشتاك مثل تارك ويحن عالجكاره
مو نفسك هذاك الجنت وياي ولا نفسه اليغار وتشب ناره
الحراره الجنت احسها بدمعتك ذيج ابد لا مونفس هاي الحرارة
اسنين العمر كلهن ضاعن وياك احجارة وبيد اطفال الحجاره
وعليك من الندم ماظل اصابيع
شريتك بوكت محد جان شاريك
وبعتني برخص بوكت لمحد يبيع
يطيبن ها تكولي يطيبن شلون
شنو ابالك بعد هم ظل مشاريع
اشتداوي وبيا انا جروحك درابين
اذا ينزل دواك ابينها ايضيع
مواضيع الوفا والحب والاخلاص
دفا الايام ومسامر الاسابيع
كمت اكرهن وما حبهن وياك
بكثر ما جنت احب هاي المواضيع
من الباب اجيتك جنت شاريك
وعاف هواي قلبي وقلبك اختار
صار اسنين احبك مو عشك يوم
حتى انساك صدفه وجهي يندار
الك بالروح حسرة تكطع الروح
والك جرح اعلى الطول من البعد صار
طعم الليل بعدك من يجي اليل طعم راس الشهر للكاعد ايجار
يعني اشلون كلي تروح ونساك وشبر بشبر بغرفتك عندي تذكار
انه بنار هجرك مشتعل ماي و ماي ومشتعل ابيش انطفي بنار
وضميتك رغم كل هاي لجروح مثل ضمت قراءة بحضن لصغار
وصرت معبود ويا الدار والدور ابالي ومنو يشيل الدور والدار
وحفظت اسنين حبك عن ظهر غيب حفظ صف اول بااول نشيده
وعليه اسهامك انته شكد قريبات بكد ماعنك اسهامي بعيده
وكول المهم ايامك سعيدات رغم ايامي ماجانت سعيده
منك ما امل وجروحك اعزاز اريدنك تجي وجرحك اريده
ويجي سهمك بقلبي يكطع الروح وصفكلك وكول الله عينه
ابغيابك الك مو بس قلبي مكسور الك مكسور حتى قلب القصيده
جنت من اقراءه كلها تصيحلي الله جنت وياي كلهم يسمعوني
وهسه بغيبتك ما حرك احساس وحس حتى بالصف كلهم ديجاملوني
بدونك ما رحت من جنت مجروح ودست جرحي ورضيت تروح دوني
الكرامه وغيرتي وجروحي لكبار اريد شما اجيلك يبعدوني
بايدي شلتك امس ودريبك تروح وجنت فوك الجرح تنزف مراره
وكولن اتركك بس احن وشتاك مثل تارك ويحن عالجكاره
مو نفسك هذاك الجنت وياي ولا نفسه اليغار وتشب ناره
الحراره الجنت احسها بدمعتك ذيج ابد لا مونفس هاي الحرارة
اسنين العمر كلهن ضاعن وياك احجارة وبيد اطفال الحجاره
