ذكرى بيروت ..
علقتني بالهوى يا سما بيروت
وامطرتني بالاسى في شهر تموز
قطفت ورد الحب في ظلة التوت
واسقيه عذب السقا من فية الكوز
ناديت وانا المتيم بعالي الصوت
وين الغرام اللي نبت نبتة اللوز
وين التناجي مسجلا بدفتر النوت
صفحات تشهدها ختم الشفايف الروز
فتحت البومي فيه الصور وكروت
صورة حبيبي اعطيتها حلوة الجوز
وصورة لقانا في لباس سبورت
نهوى السبق من فينا يكسب الفوز
وقت الضحى فيه النسايم "هوت "
على رمال الشط نمشي بلا "شوز"
ومن الطرب نسمع موسيقى بنوت
" وانا لحبيبي " غنتها لنا فيروز
وصورة غدانا في الحمرا ثبوت
فيها السمك مشوي ووجبة الاوز
يا رب وش حيلتي لدنت حزة الموت
ترحل صفاي ويصيبني علة العوز
القلب يبكي في تالي الليل بسكوت
هذي مقاديرنا وجروحي بها غروز
بقلمي / القلم الانيق
