رحت اتموت : كاظم الكاطع

[هلوسأأت مجنوؤن]

رحت اتموت!
شفت شريانك امتد اعله طول الكاع
يرضع من ثديها الموت
لا تخطف ...ابثوب اسود على الميتين
فك حزنك كبل متموت
افك حزني كبل ماموت ؟؟
افك حزني كبل ماموت؟؟
جا هو الحزن كلي جلد حية وتريده ينزع بسكوت؟
ذب حزنك شذب ياثوب ؟
وبكلبي لكط لون القميص وصرت كلي اسود
مثل عاشور ..جني اعلام عشر ابيوت
بيه اغيار الف دفان
وكل جناز يتمنى حزن وجهي يتشيم بيه
وانه الجناز يومية ازتن للكبر عريس ..جاكلي خلك تابوت
ياكلبي جنت طاير كبر دنية وثكل شمسين
وبغفلة طحت كاغد ولا لك صوت
فك حزنك وانه المني صناديك الحجي انباكت ابنص الليل
انه البيه بساتين الحجي احتركت ابنص الليل
باكو صوتي نص الليل !!
خلوني ابطرك طاسة امن الخرس بيهه اجدي الصوت
اجانه الماي ,,اجانه الماي
شيلين يابواريينه اجانه الماي
مايحمينة بيت الطين ذبينه بعيد ابعيد
ذبينه اعله كاع ابلا سمه ولا ريح
بوية انخاف دنيتنه صريفة امن النسيم اتطيح
حيطان السمه من طين وذبتنا اعله كاع اجبالها امرايات
بيهه اتشوف غمك الماي
انلم الوجوه الصدك والجذب مصبوغ توه ونمتحن بالماي
نسبح والنظيف ايفوج والوجهه كواغد ينمر د بالماي
والوجهه كواغد مايرحمه الماي !
.
كاظم اسماعيل الكاطع

 

[الشيخ]

رد: رحت اتموت : كاظم الكاطع

حلووو
تسلم اديك

 

[هلوسأأت مجنوؤن]

رد: رحت اتموت : كاظم الكاطع

منوور شيخنة

 

[زوزايةة]

رد: رحت اتموت : كاظم الكاطع

ععـآشووووو


s=90 s=90

 

[قلب العراق]

رد: رحت اتموت : كاظم الكاطع

كلام رؤؤؤؤعة تسلم

 

[حكاية صمت]

رد: رحت اتموت : كاظم الكاطع

عاشت يدك


طرح مميز

تحياتي

 

[اانَيقهہْ ..*]

رد: رحت اتموت : كاظم الكاطع

ررؤعه

عاشت ايدك

 

[المشتاق]

رد: رحت اتموت : كاظم الكاطع

بسم الله الرحمن الرحيم


أخي الكريم هلوسآآت مجنوؤن


سلمت يدآك للوحة الجميلة والرآئعة
والأختيآر الموفــــــــــــــــــــق لجمآل الحروف
للقلآدة الرآئعة والسآحرة
{{{{ رحت اتموت ،،، لكآظم الكآطع }}}}
دآم لنا فيض العطآء
وللمزيد منَ كل جديد
تحيآتي ودعآئي
دمت موفق​

 

[تعب قلبي]

رد: رحت اتموت : كاظم الكاطع

لَآعِدَمَنِآ هـَ الَعَطَآءْ
وَلَآَ هَـ الَمْجَهُودَ الَرَائَعْ
مَآتَجَلَبَهْ أًنَآَمِلكْ بًأًذخْ
بَاَلَجَّمَآلْ مُتًرّفْ بَ تمًّيِزْوُدِيِّ ❀