مساء الخير اخوتي واخواتي الكرام
اعتذر ع الانقطاع بس مثل ما الكل يعاني من الدوام وضيق الوقت غير الخلل الي صار بحسابي والشكر لاخويه الغالي فراس الي رتب كل شي ورجعت ان شاء الله اتواصل
اقدملكم قصيده متواضعه من اخر كتاباتي البسيطه
تحجي عن الواقع الي نعيشه ونشوفه كل يوم
اترككم مع القصيده
رحت لمريدي اتمشه
وسولفولي اليوم صاير فد مزاد
گلت خل اگعد واشوفن
شنهو رح ينباع بلا
وبلشو گالو رجاءً احنه منريد ابتعاد
سلمو ع الحاضرين
مساء البيع للمجروح
مساء المالگو هداد
مساء لكل فقير هنا
مساء لكل يتيم هنا
مساء الاه والونه
وجاوبوه الحاضرين
برايه مخطوطه بحداد
وبده يعدد بالعروض
هذا فد واحد فقير
ماخذ من بنيته حجله
وهذا واحد جايب ابنه
وهاي هم للبيع طفله
وهاي ام فلان
مانعرف شسمهة
صرّخت انه اسمي ثچله
جايه ابيعن صورة ابني
الراح فدوه لهالبلد
وتالي گاع البلد رفضت
تنطي فد قطعة زغيره
لخاطر عيون الحشد
وخايفه تموت ع ابنهة
وما تلاگي شچم متر يصبح لحد
وهذا شاب بلا حقوق
بلا امن وبلا امان
وحتى ماعنده حبيب
وهذا شايب گاضي عمره
وجيبه فارغ
ماعنده كشفية الطبيب
وهاي ام تلم قواطي
حتى جم فليس تجمع
وتشتري لبتها حليب
وگمت انه
وصرّخت ..
للبيع گلبي وچم نهر
من دمعي ما يقبل يصب
من كثر ما نزفت عيوني
الوادم تصاحبني صارت
حتى اطفي بنارهم لمن تشب
واكو وادم هم حچو
وضحكو ع دموعي
گتلهم غصب
تعبت اديرن وجهي ..
اذا مره بچيت
حتى مابين دمع
گمت من گفاي ابچي
گامو و شعلو شمع
وسط الجحر
حتى بخيالي تبين الدمعه
واذا طاحت ع الگاع
رأساً تنسمع
ولو طولت انه هواي
بس ماريد ابقه وياي
اخذوني مني بضحكه
لو دمعة فرح
لو حتى بس شربة ماي
بـقـلــمـي : عـلاء كـريـم
احتراميي للجميع
اعتذر ع الانقطاع بس مثل ما الكل يعاني من الدوام وضيق الوقت غير الخلل الي صار بحسابي والشكر لاخويه الغالي فراس الي رتب كل شي ورجعت ان شاء الله اتواصل
اقدملكم قصيده متواضعه من اخر كتاباتي البسيطه
تحجي عن الواقع الي نعيشه ونشوفه كل يوم
اترككم مع القصيده
رحت لمريدي اتمشه
وسولفولي اليوم صاير فد مزاد
گلت خل اگعد واشوفن
شنهو رح ينباع بلا
وبلشو گالو رجاءً احنه منريد ابتعاد
سلمو ع الحاضرين
مساء البيع للمجروح
مساء المالگو هداد
مساء لكل فقير هنا
مساء لكل يتيم هنا
مساء الاه والونه
وجاوبوه الحاضرين
برايه مخطوطه بحداد
وبده يعدد بالعروض
هذا فد واحد فقير
ماخذ من بنيته حجله
وهذا واحد جايب ابنه
وهاي هم للبيع طفله
وهاي ام فلان
مانعرف شسمهة
صرّخت انه اسمي ثچله
جايه ابيعن صورة ابني
الراح فدوه لهالبلد
وتالي گاع البلد رفضت
تنطي فد قطعة زغيره
لخاطر عيون الحشد
وخايفه تموت ع ابنهة
وما تلاگي شچم متر يصبح لحد
وهذا شاب بلا حقوق
بلا امن وبلا امان
وحتى ماعنده حبيب
وهذا شايب گاضي عمره
وجيبه فارغ
ماعنده كشفية الطبيب
وهاي ام تلم قواطي
حتى جم فليس تجمع
وتشتري لبتها حليب
وگمت انه
وصرّخت ..
للبيع گلبي وچم نهر
من دمعي ما يقبل يصب
من كثر ما نزفت عيوني
الوادم تصاحبني صارت
حتى اطفي بنارهم لمن تشب
واكو وادم هم حچو
وضحكو ع دموعي
گتلهم غصب
تعبت اديرن وجهي ..
اذا مره بچيت
حتى مابين دمع
گمت من گفاي ابچي
گامو و شعلو شمع
وسط الجحر
حتى بخيالي تبين الدمعه
واذا طاحت ع الگاع
رأساً تنسمع
ولو طولت انه هواي
بس ماريد ابقه وياي
اخذوني مني بضحكه
لو دمعة فرح
لو حتى بس شربة ماي
بـقـلــمـي : عـلاء كـريـم
احتراميي للجميع
