رساله لقلبي

[فقار الكرخي]

ليش تضوج

وانت الكوكب
المابيك بس انته ..

يرازونة المعبد
لاتدلي الناس !
هاي الناس ..
لون الدين بايعته

حتى الدين :
بارصفة الحقد بايع انسانيته !
وحتى الشاعر امن يثور
گام يخاف من بيته !

ياعش البلابل .. طيح
والعودان مثل سنينك
يطشهه الهوى بسكته

الك ساعه وتغط بالروج
تطلع بيرغ مبلل
وبضلوعك هوى مامش !

يااا خايب !!!
حسافه تموت للعايش
ضل للدم وعوف الشوگ
ساويهم شعر ياطوگ

كاافي !
.. امن النشد بطّل
عوف المزن لاهل الطين
بيدر حزني چملته

يالچنك جدم حايوز
تركض على الماردته ؟
يگلبي تعيش سكته
تموت بالسكته

 

[mohammed.shams]

رد: رساله لقلبي

لجهودكم باقات من الشكر والتقدير على المواضيع الرائعه والجميلة

 

[جنون العاطفه]

رد: رساله لقلبي

من جماال لجماال عااشوو
و دي

 

[سعد العراقي راقي]

رد: رساله لقلبي

شكرا لجهودك
تحياتي لك

 

[قيصر الحب]

رد : رساله لقلبي

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي