روائع الشعر العراقي/كاظم اسماعيل كاطع/ موجيتك اعرفك واعرف شبيك

[ناطق العبيدي]

موجيتك اعرفك واعرف شبيك
اثر جف علظهرك ضدي مدفوع
بعد مشروع قتلي قيد الانجاز
واهنيك اغتيالي خوش مشروع

انه السويت ظهري وياك بستان
والف خنجر لهسه بظهري مزروع

طبع دله انا طبعي وانت فنجــــان
علي تركص وانا منزلك ادمـــــوع
غبت عني واتاني وصارلي اسنين
ويسألوني واكلهم غايب اسبوع

وتعال وشوفني خلافك يمحبوب
صرت موضوع للجانولي موضوع
اذا طيفك يمرني بوحشة الليل

اشم ريحة حرك ما بين الضلوع
خمس اسنين ادور بين الوجوه

مثل ام وكلبه بخمسه مفجوع
صرت يونس ولكن ما شفت حوت
بكل ديرة الاطب تبلعني الفروع

كاطع بالفرح كاظم اسماعيل
وانه كاظم حزن بس كلبي مكطوع
لكن ما امل والامل موجــــــــــود
شما زاد الالم ما اصيح موجوع

صدكني الشمس لمن يجي الليل
ما تفتح حلكه كبال الشمــــــوع
من اطش بذرة كلامي بسطح الانهار
على الجرفين ينبت صوت مسموع

وانه بطبعي احتقر شخصية الخيط
رغم طوله ضعيف وكاتله الجوع
يمشي براي الابرة مغمض العين
ويبات امذلة ابثوب مـــــــــــدروع

خذاك شلون غيري واقتنع بيك
واثر شفتي علخدك لسه مطبوع
كطعت رجلين حظي وما كعد يوم
وخسرت اقمار ليلي بليل الاقمار

صح سن العقل ما طلع لكــــــن
بعقلي اسنون طلعت تاكل افكار



بقلم امونة عندما جن جنونها
وأصبح رصاصه براكين نزفها هنا
وسهرت وأصبحت حالتها تقهر
تعبت أنساك

 

[mohammed.shams]

شكرا للجهود المبذولة

 

[قيصر الحب]

بدااااع راقي..

وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[فواز]

السلام عليكم ورحمة الله وبركاته
سلمت أناملك انتقاء مميز
ما ننحرم من فيض عطائك وإبداعك
لك كل التحاياااا والتقديررررر
لاهنت

 

[عطري وجودك]

سلمت أناملك على الطرح المميّز

ويعطيك العافية على المجهود المبذول

ما ننحرم من فيض عطائك وإبداعك

لك تحياتي وفائق شكري