زينب خريبط

[ابو مناف البصري]

رسالة من الكبير حسين الشيباني
إلى /زميلتي المربيه الفاضله ( زينب خريبط ) من ذي قار التي تعرضت للضرب أثناء تظاهر الكوادر التربويه هناك..

أشكد عيب!!
كلش فشل
ست زينب انهانت....

معقوله جا تنضرب؟
شمعة سلف جانت...

من ظيمها اتظاهرت
ما باعت ولا شرت
لا عصت وتآمرت
لاذلت وخانت....

زينب بهمه وعزم
ربت اسباع الزلم
معروفه من الاسم
لبوة اسباع وكفو صلبه وجذب لانت..

زينب تحب الوطن
منها الامغمض فطن
مو ربع الاتورطن
فيروز ماتنكسر بالفاس ما هانت...

يعني الضربها نسه؟
بس لازم انحسسه
منهو ابنك ايدرسه؟
هاي امك الجوهره ما فهت وتوانت...

مو داعشية فكر
زينب عراقيه
بت هور وامعدله
بالكلفه نشميه
انخاها تفزع ضوه
تتلاوه ويه الهوه
متكول شعليه
تربات ابوها وصدك ترفه وشرف صانت...


زينب تعلم الحرف
وترتل القران
تصلح جهل مجتمع
بالعلم تبني انسان
مازلت اويلهوى
وبلوغرة نسوان
ولا سهرت اويلسهر
عدها الشرف عنوان
شبعت مرار وقهر من الوكت عانت...

الهانها اشورطه
مو غلطه هينه وخطه
كل عطوه ما ينعطه
مكشوف شين الفعل
ما يرهم عليه غطه
مو زله وأندانت......

............ حسين الشيباني...........( الديوانيه )

 

[Retaj Al-Hassan]

عآشـت آلآيآآآدي

يسـلمـوو ع آلنقل آلمـمـيز.

 

[وسيم]

بارك الله بيك

 

[ناطق العبيدي]

يعطيك الف الف عافيه
موضوع رااائع وجهود أروع
ننتظر مزيدكم بشوووق