سالوفة ليل وگمرة..

[العـ عقيل ـراقي]

يلماشي بليل وبروحي تنهش
ويلعايف حسنك بخد المشمش
طفيت الدنيه بعيوني وأجيتك
وبثوب مورد وچنطة وكركش
فز كل گلبي
وراويته چن گمره
تهنجل فوگ أمتوني
وچفين مندايه
بيهن ريحة حنطة
مخصور ويردف مرادف عذاب
حسيت النجمة أتحط بوسه
فوك الشامة
وتنزل نجمة
تتوضه بخدك
وتصلي بنص زيچك محراب
مكحل من الله
ومورده أشفاك بلا حمره
چن چفلة ريحان بنص نحرك
ومتيه إعيوني عله أشفافك
لميت إخيوط الشميسه
وبرموشك شدينه إحجاب
وعگدنه بشباچ اليمه
سالوفة ليل وگمره
ومسافر تيه كله أهله
وظل يدور أرسومك
يمگطر بشفاف الوردة
طيب وعنبر
ومندي فوگ الصنطة
ضحكات ومبسم
وبخديدك كل اسنيني تغفه
لاگيني وفرح گلبي
وأنومس بيك لچعات الهم
باجر عده
وعگبه عده
وچم عمر ينراد
ويتعده
سويها لله إحضني
مشابگ حد الوگعه
لحد ما تخلص بينه الونه
وچملني فوگ الشبگة
شبگه إزغيرة
وريض بيه لاتستعجل
مشتاگ وانته شباگ
شحال الفرگة
اسوت بينه..؟

15/12/2018
العـ عقيل ـراقي

 

[Ms. Houda]

رد : سالوفة ليل وگمرة..

كمات جذابة وراقية
اعجبتني واغرقتني في عالم الخيال
كتبت فابهرت وابدعت
تقبل تحياتي
ودي ووردي

 

[البرآق]

رد: سالوفة ليل وگمرة..

سلمت ها الايادى
على جمال وروعة هذا الاختيار
الراقي والمميز .

 

[حياتي البصرة]

رد: سالوفة ليل وگمرة..

رؤؤؤعة
عشت

 

[العـ عقيل ـراقي]

رد: سالوفة ليل وگمرة..

الاحبة..
لي ان اتبختر بين الاعضاء
لانكم من مررتم هنا وتركتم
عبيركم وشذى عطركم
كل الشكر والامتنان
عقيل العراقي

 

[صوُتْ آنثوّيْ]

رد: سالوفة ليل وگمرة..

صباح الورد

كثير كلمات جميلة

عاشت الايادي

 

[قيصر الحب]

رد: سالوفة ليل وگمرة..

كالعادة ابداع رائع
وطرح يستحق المتابعة
شكراً لك
بانتظار الجديد القادم دمت بكل خير

 

[العـ عقيل ـراقي]

رد: سالوفة ليل وگمرة..

شكرا لحضوركِ
وطيب تفاعلكِ
تحياتي مع الود
عقيل العراقي