سجـل حضـورك بِـمآ يَـروق لذآئِقتك الـأدبيـه

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

ربي سمي العيد خبزه
لخاطر الماعنده بيت
حته من أطفاله تبجي
يكلهم التنور ديلاب الهوه""

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

طَفت الكَمره ضواها..
وصارت الدربونه ظلمه..
شرايج تفلين شعرج؟
هم اشمه ..
وهم يزيد الليل عتمة..
..
أذان الينامون طرشة..
وخرسة من تطلع الشمة

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

گالو ما تجـــي وگالو عليك بعيد
ودرب كلش طويــل البينك وبيني
شح مني الدمع گـد ما بچيت أعليك
وأعاتب بالگمـــر هلبت يواسيني
ظلم كلش ظلم تحيـا وتموت بشوگ
وچا شنهو العمر من تذبـل رياحيني
تعب حتى الورق حبر ودمـع مخبوط
وحسره وي القلــم تاذيني وتبچيني

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

صرت تحجي اعله ناسك جنك ترهيت..
ونسيت احجام قدرك من جنت محتاج..
وصرت تتغازل ويه الفخفخه والصيت..
وشفت روحك ملك بس مارهملك تاج..

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

الك شفتين تكتل ولعني
وحس بنار جنهن ولعني
شنهي مسودن وكلك ولعني
لو**** نفط وجنون بيه

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

مالي واهس ...
صوت هجرك كمت ارسمه اعله الهوى
يالعفتني بطرك دخان الجكاير مادريت...؟؟
انه والباكيت خلصنه سوه..!

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

ضمني بين خلق الله وسولف علي ،
أنت لا صرت حاضر كلهم غايبين !

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

دري انته غريب وكل غريب يروح
گالوها گبل بس ما خذت عبره
وادري انته شمس وكت الغروب تغيب
وادري الليل يمك يحفر بگبره
وآدري الجام طيفك يعتني وي الليل
وآدري العين فجأه وتنگلب مهره
صرت بيد القدر ابره وتبعتك خيط
ومشيت على الجرح ماگتلك شكبره
اثاري انته تلف بيه على جرح انسان
حب وحده غريبه وخنگته العبره
وتسألني الورق ابيض بياضه منين
ولك كل القصايد شيبت شعره
ظل محني القلم فوگ الورق سنتين
مو حقه القلم من ينكسر ظهره

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

ردلي حبيب ارجوك وارحم حوالي***ما شـكي على مخلوق للـه سوالي
يال ما دريـت اشــصار وقـف واقـلك***حـال اليـتـيـم تهـون عـن حـال خـلك
خـاف اللـه يالمريت ما كـلـمـتـنـي***لـيـتك حكيت اوياي لو شـتـمـتـنـي
قـلـبـي عـلـيـك يـنـوح مانام لـيـلـه***مسألتي انا وياك صارت طـويـلـه
جيتك بقايا انسان ايدي على خدي***قـلـبـك صخـر مالان يالعـفت ودي

 

[mohammed.shams]

رد: سجـل حضـورك بِـمآ يَـروق لذآئِقتك الـأدبيـه

‫الغيم‬ ... گلش تررررف
شايل برائــــة ..‫‏طفل‬
من ‫‏ينجــــرح‬ .. بالهوه
ينزف ...‫‏احساســـه‬. مطــــر