سر
فاطمة الليثي
سر ضمه يشباچ السمچ واقفل عليه
وسر .. كل عادة سر..روح وانطي الظهر
واتمرچح بيديه
وسر .. ما يسر الگلب فرحه
وبيهه دمعه وبيهه ويه
السمچ يحفظ اسرار
والنهر ياخذ قرار
وانته لا سر لا قرار كلشي منك ماخذيه
احبس دموعك بسجن العابرين
وطش نذر عمرك ملبس ناذريه
ياطعم جرح الكرامه مالح وماينجرع
الشوك والعاگول صدفه
شلون تقبل ينزرع
والصبر ابن الصحاري منو الچانو زارعيه
عافني بهيمة افكاره
ولا يجيني ولا اجيه
گلبي مثل اهدوم باله وبحبلهم شاريه
وجهي ليله حنه ترفه
وثوب راهب لابسيه
يا مرارة عمر ياشهگه فجر
يا برد محيه وحلم ما شايفيه
حلمي شط ويا كبر ذرعانهم ما عابريه
چوحت عمري بمواگد نار حمره
وصرت تنور بشماته وواجيه
خذني هدوت ليل صحوت دمعه خرسه
ولا تداوي جروحي خلهن عاشگيه
ياطعم خبزة العازه مر
ولكن امرورته تفرفح عليه
نام دلول الليالي هناك عبرت
وخلي اگمط صحوتك لا ترد ليه
فاطمة الليثي
سر ضمه يشباچ السمچ واقفل عليه
وسر .. كل عادة سر..روح وانطي الظهر
واتمرچح بيديه
وسر .. ما يسر الگلب فرحه
وبيهه دمعه وبيهه ويه
السمچ يحفظ اسرار
والنهر ياخذ قرار
وانته لا سر لا قرار كلشي منك ماخذيه
احبس دموعك بسجن العابرين
وطش نذر عمرك ملبس ناذريه
ياطعم جرح الكرامه مالح وماينجرع
الشوك والعاگول صدفه
شلون تقبل ينزرع
والصبر ابن الصحاري منو الچانو زارعيه
عافني بهيمة افكاره
ولا يجيني ولا اجيه
گلبي مثل اهدوم باله وبحبلهم شاريه
وجهي ليله حنه ترفه
وثوب راهب لابسيه
يا مرارة عمر ياشهگه فجر
يا برد محيه وحلم ما شايفيه
حلمي شط ويا كبر ذرعانهم ما عابريه
چوحت عمري بمواگد نار حمره
وصرت تنور بشماته وواجيه
خذني هدوت ليل صحوت دمعه خرسه
ولا تداوي جروحي خلهن عاشگيه
ياطعم خبزة العازه مر
ولكن امرورته تفرفح عليه
نام دلول الليالي هناك عبرت
وخلي اگمط صحوتك لا ترد ليه
.."
