مناضل الناصر
Banned
سلمت امري الك ..
........................
تدريني أحبك صدكَََََََ
وانه بهـواك احتـار
والشمس الهه وكت
بس انت ليل نهــار
تضوي وتخلي الدجه
مشتعله بيــــه النار
موبس ضوه هلشمس
فيض وسمه واقطار
جمالك علشمس فايق وعالي
انه المطروح بودادك وعالي
وحق المصطفى أيمامك وعالي
عبد مملوك بس تحن عليه
من تبتعد أنهضم
والدمع سوه انهار
والناس بيه أتعذل
معقوله هذا الصار؟
انت القوي الصلب
والواشي بيك احتار
احتاريت بين الجفه
والوصل شنهو اختار
عذلوك كََـلي صدك
والواشي ذاع اخبار
خلــيه يعذل اذن
وحد العذل مكَدار
وسلمته بيد النبي
وسيفك علي البتار
كَلبي عليكم رهم
شدة عشكَ هلصار
نشدو ونغني بلحن
والهمس بس اشعار
ولايكَ غرامك الي
مفصل عَليْ تكَدار
أجاك وخشن كَليبك وجاني
وبنار العذل شببني وجاني
الف شيطان يركبني وجاني
ولايكَدر يبدلـــكم عليــه
سلمت امري الك
انتَ الحَكم والسيف
وانتَ التِقيم العَدلْ
وتزيح عني الحيف
خلني بغرامك جرح
وأعطشني لهفة صيف
للموت فضلك يظل
بس مرني مره بطيف
أنطره ويبتعد عني وأتاني
غرير وجلبت هسه وأتاني
أجاني وغير طباعي وتاني
طيفك يالحلو من مر عليه