إهداء مع الود...
سهرنالك دهر ..وما جيت*
ورزه وباب وشبابيج
خضرن من مدامعنا*
يريت العمر بس وياك
بلياها الاوادم كلها والجنه
واذا توازينا موش تراب
بچانا القفل بالباب
لگينا السلف متغير*
مثل ديرة غرب*
خلف الله چنا احباب
ردينا نتعارك وي بواچينا*
ولا شبيبيچ يحاچينا*
عساها بالگصب يفلان*
لوعتنا ..ومدامعنا ..وتراچينا*
عساها تخضر التينه
ونمد بفيها السواليف*
خبزه وستكين چاي
وراحة بال تكفينا*
وعلى ركبك
مثل ما چنا وحنا زغار*
ننسه رواحنا
ونغفه لهذاك الصوب
ياخذنا السعف ويرد بينا
الشاعر الكبير
مظفر النواب
سهرنالك دهر ..وما جيت*
ورزه وباب وشبابيج
خضرن من مدامعنا*
يريت العمر بس وياك
بلياها الاوادم كلها والجنه
واذا توازينا موش تراب
بچانا القفل بالباب
لگينا السلف متغير*
مثل ديرة غرب*
خلف الله چنا احباب
ردينا نتعارك وي بواچينا*
ولا شبيبيچ يحاچينا*
عساها بالگصب يفلان*
لوعتنا ..ومدامعنا ..وتراچينا*
عساها تخضر التينه
ونمد بفيها السواليف*
خبزه وستكين چاي
وراحة بال تكفينا*
وعلى ركبك
مثل ما چنا وحنا زغار*
ننسه رواحنا
ونغفه لهذاك الصوب
ياخذنا السعف ويرد بينا
الشاعر الكبير
مظفر النواب
