سوالفنـا عراقيـة .

[رمااد اانسان]

أكو واحد من ربعنا من چنا بالعسكريه نازل مجاز للبيت يگول لگيت جوارينه كاعده يم أمي تبچي،، اني سلمت عليهم گالتلي الحجيه،، يمه # جاسم هاي خطيه حنان وزوجها متعاركين ويريد يتزوج وحده غيرها،، كلتلها بسيطه اني احچي وياه وطبيت للغرفه ومااحس الا حنان مچلبه بيه،، مروتك ومروت الله ياجاسم سويلي چاره كلتلها عوفيني هسه وراح انطيچ حل سريع گالت اي والله ياخويه تدري رجلي لايجي يمي ولايتقربلي عايفني ... وبس تبچي يگول جاسم
رحت للكنتور وانطيتهه أوراق وگتلها هاي كل يوم تاخذين ورقه وتحطين شامبو والورقه بالماي وتسبحين بيه لمدة عشرة ايام ..
يگول جاسم رجعت للدوام ونزلت بعد فتره واني نسيت السالفه طبيت للبيت لكيت طلي مربوط بالطرمه وأم حنان وأم زوج حنان وبنات اثنين وياهم مگابلات الحجيه وكاعدات،، دخلت وتلگني يبوسن بأيدي ويدعولي ويطشن على راسي چكليت ويشكرني،، هايابه شكو.؟ گالن حنان رجعت لزوجها وعايشين حياه طبيعيه،، يابه الحمد لله بالخير،، يگول وره ما طلعن النسوان صاحتلي الحجيه ،، يمه # جاسم صاير سحار لو شنو فهمني لو اگلب البيت على راسك،، فهمني شكتبت بالاوراق،، كلتلها يمه ياسحار يابطيخ السالفه ومابيها،، الأوراق فارغه،، بس هي من أجت يمي وتقربت مني وچلبت بيه ريحتها تكتل كتل فگلت اسوي هذا الفلم لان زوجها شارد منها ومن ريحتها الخايسه ،، وره ماسبحت عشره ايام وريحتها راحت وفضت المشكله والامور صارت طبيعيه..
شتگولون وصفة جاسم خوش وصفه مو؟؟