سوالفنـا عراقيـة .

[مـــجيـّدالسيــــد]

١.. صاحبنا نشر علئ الفيس ادعوا لابن اختي فلان يمر في حالة حرجه بسبب اصابته بكورونا واحد علق ( خير والخيوريه
ترس جلده) رد عليه صاحبنا ردناك تدعي مو تهوس هههههه
...................................................................
٢..شايب من. ربعنا يمشون معه طفلين شافه واحد من اليتفستقون بالكلام وسأله ذوله الصغار منين جاوبه الحجي ذوله احفادي ولد بنتي رد عليه صاحبنا حاج ذوله مو احفاد وانما اسباط لان ابناء الولد احفاد وابناء البنات اسباط الشايب هز ايده وگاله ااستغر الله عمي موانا النبي ص وعندي اسباط
ههههههه
.........................................................................
٣.. قبل كانت عدنا لعبه وشفنا واحد يتمرن ولابس تجهيزاته الرياضيه طلبنا منه يحكم المبارات گال اعذروني ناسي التحكيم موهي علئ اساس قصيده ههههههههه ................................................

 

[مـــجيـّدالسيــــد]

مشاهدة المرفق 4480

 

[مـــجيـّدالسيــــد]

صديقي يگول رحت اتبارك الابن اخوي ناجح من السادس اعدادي بمعدل ٩٩ وصار حديث عن الشاعر ابو الطيب المتنبي فسألني ابن اخي عمو ليش صدام حسين اعدم الشاعر المتنبي گتله لان بحزب الدعوه ههههه زين شلون طلع ٩٩ وهو مايعرف المتنبي عاش بزمن الدوله العباسيه وصار الف سنه من قتل. هههههه

 

[مـــجيـّدالسيــــد]

الحاج صلاح اخوي عنده حملة ياخذ زوار الئ سوريا ومن ضمن البرنامج زيارة المسجد الاموي يگول انا اشرح للزوار هنا كان يزيد جالس وبيده سوط ويضرب علئ راس الامام الحسين ع وهنا كان الراس الشريف يگول شايب زاير ويانه صاح حجي هسه انا شسوي اصلي ركعتين.. ابوس.. اتفل والله احتاريت ..

 

[مـــجيـّدالسيــــد]

صديقي ابو صلاح يگول اثناء الزياره للامام الكاظم ع مع عائلتي زعلت عليه زوجتي وهيه تزعل بسرعه يگول ردت اصالحها وهي تحب الكباب والمشويات دخلتها للمطعم ونزلت گدامها صينيه مشويات ودجاج شوي يگول اكلت و طلعنا من المطعم وبعدها زعلانه والسيف مايگص خشمها شفنا واحد يبيع شلغم انتبه علينا صاح شلغم يصفي النفوس ويرضي الزعلان گتله عمي صينيه مشويات ودجاج ما رضت تريد الشلغم يصفي گلبها.. المشكله ماكو هسه شلغم خلص موسمه يصفي الگلوب..

 

[مـــجيـّدالسيــــد]

والدك مامحتاج تهنئةبالفيس بعيد الاب ابوك محتاج كيلوكباب وبطل ببسي ابو الف
يتريع بيه

 

[مـــجيـّدالسيــــد]

الحمد لله والشكر في زمن انتشار مرض شلل الاطفال بالقرن الماضي ماكو فيس بوك وانستغرام ولا دكاتره نص ردن تنظر من مخاطر التلقيح كان هسه كلنا عرجان ومكسحين نبيع جواريب فوگ جسر باب المعظم

 

[مـــجيـّدالسيــــد]

مشاهدة المرفق 4500

 

[مـصطفى]

ولد صديقي جاي اسولفله على بنيه جديده بحياتي كتله فد مرتبه و عقليه و حلوه وكلش حابها

گلي مصطفى اهم شي امينه

كتله جاي ادور على عامل ؟
ماخذ محل بالشورجه ؟

 

[ذوق]

-




اذا سنّك يوجعك ويدمرك دمار،
شتسويله ؟ تقلعَه ..

اذا اصبعك بيه غرغرينا ،
شتسويله ؟ تبتره ..

اذا اظافرك طالت ،
شتسويلها ؟ تقلّمها ..


حتى البشر هيچ ،
اي شخص مهما كان، مهما كان ،
وما احترم وجوده بحياتك،
< إبترَه > ..


ترا سالفة مداراة الخواطر خلصت من صلح الحديبية ،

خليك تحت شعار :-
إبتر وانتعش !


ً