سوالف أهلنه
يسولفلي جدي يكول يكول اكورجال من جماعتنه اسمه شلاكة فقير ومن اهل الله عند كاعه
زارعهة رجي وبطيخ وعطروزي ومن دون كيعان العالم الله مبارك بكاعه ..
الوادم تزرع كلهة بس ولاواحد يخضر عنده شي بس كاع شلاكة تزهي يكول الوادم طاكهة الفكر والجوع وضالين يتحسرون على رجيات شلاكة وبطيخاته بس يدرون بيه اذا لكه كاعه ماخوذ منهة شي يحلفهم وهذا شغلته عوجه رجال بخيت ويشور بيهم ...
اكو واحد من ربعنه مشيطن كاللهم والي يخليكم تاكلون لمن تشبعون وتحلفون وماعليكم شي كالوله ولك شلون كاللهم امشو وياي وسوو مثل مااكلكم ..
نروح بس ماتكطعون لارجيه ولابطيخه ولاعطروزيه ...
جاولك رايحين نتنوع عليهن غير جواعه ونريد ناكل ...
كاللهم ايه اكلو التريدون وهو بالشجره لاتكطعونه ...
كالوله خوش احنه نمشي وراك وشتكول نسوي ..
صدك بالليل سطو واكلوا لمن شبعو وردوا لهلهم وشلاكه صبح من الصبح يهيع ويصيح الله اكبر انبكت باكوني ربعي وجيراني والجماعه مغلسين ...
اكو كهوه يوميه الصبح ابيت الشيخ والوادم كلهة تلتم بيهة راحت الزلم وشلاكة لحكهم وسولف سالفته يم الشيخ وكاله انه لكيت زرعاتي البارحه كلهن محويات واريد الوادم تحلف واليحلف بري الشيخ التفت للوادم الكاعده كاللهم شتكولون ربعنه تحلفون لوتحجون الصدك اول ماصاحو الحرامية لاشيخنه نحلف....
كام يحلف بيهم الشيخ واحد واحد ويمينهم شيخنه وحك هذا اليمين يما مديت ايدي وكطعت رجية لو بطيخة لو عطروزيه من كاع شلاكه ...
طبعا همه صادكين ماكطعوا شي ..
اكلوهن وهنه بالشجره...
وبعد ماحلفت الوادم الشيخ التفت لشلاكه وكاله عمي الزلم حلفت وماعدهم شي والظاهر حراميك الواوي ...
وكامت يوميه تتكرر الحالة والحكم يصدر بتجريم الواوي لما خلصت كاع شلاكة المسكين ....
هسه رباط سالفتنه العراق انباكت فلوسه وخيراته ويامسؤول يلزمونه يحلف موعندي وبكل مره تتقيد السرقه ضد مجهول جاياحكومتنه وياقضائنة ياهو الباكنه يصير الواي يبوك بينه..
مثل ماباك شلاكة
