يستحق الاطلاع سوالف اهلنا ( الموروث من الشعر الشعبي )

[لهب الموسوي]

تسلم ايدك موضوع جميل

 

[madness man]

اليوم راح أسولفلكم عن واحد من شباب الجنوب أيام زمان!!
بذاك الوكت أيام چانت الدنيا زاهيتله والخير واجد والماي يجري وكل چيحه متروسة دغل ومران وبيها كود سمچ وطيور, والولد صايود وحتى نخل غيبي مخضر ولو هو مشيص ما عوزهم من الولاية بس غرشة التتن وطبخة الچاي وفنجان الكهوة.
وكلما ينزل للولاية يجيبهن ويترس المخلاة حنطة وتمن وتتن وگهوة وچاي وشكر ومحلب وديرم وطين خاوة للنسوان.
وحدة من بنات السلف چانت تجي تترس ماي, بس حلاتها تطيح الطير!!
برحيَّة ومايعة من حلاتها وچناغها والشيلة البلبولي وحجول الفضه برجليها وتمشي برهدنه تدنج تترس ماي وصويحبنه رويحته تهوف عليها, وهي عينها منَّه لان هو ما گاصر
وظلَّوا على هالرنة بحجة الماي تجي تترس وتشوف راهي الطول وهو عينه شابحة للدرب شوكت تجي ويشبع شوف منها ..
بس مثل كل قصص الحب خطب وما انطوها إلَه وزوجوها لإبن عمها وعرست ودمعتها وكحلتها سوى ..
مرت السنين وصويحبنه عاف الديرة وهي صار عدها خَلَف,
كبرو أولادها وزوجتهم ومات إبن عمها بس مانست ذاك الهامت بيه رويحتها ..
وبعد هاي السنين كلها رجع للديرة وچان يمشي وي صويحبه ويتنشد على الطايفة واخبارها لحد ما وصل لبيت المحبوبة ..وگف ولزم يدة الباب !!
نب عليه صويحبه خايب شمالك ؟؟
گال:
نَبْ جاري گال شبيه يشتم حديدة
ما يدري ذاك الباب بي ريحة إيده
سحبه من إيده ومشوا, وگال له خايب إمشي لاتجيبنه سهبة!!!
للعصر وصل خبر للعجوز برجعت حبيبها للديرة ..
طلعت وبقت لازمة الباب وعينها شابحة على الدرب لحد ما صار المغرب ومادخلت!!!
صاحن عليها الچناين !!
عَمَّة ما تدخلين تصلين فات الوكت!!
نبت عليهن !!
خَل أگضي فَرض إهوَاي, فَرضَ اللَّه ألحَگَه!!
أمبَارَك إمن إبعيد بِعيُوني أشبَگَه!!

هويته وحطو الظلام فرضه
وحليل وكالو الله القسم فأرضه
كلت ربي الكريم اديت فرضه
وبعد فرض الحبيب هموم اليه

 

[madness man]

تعالو هنا

@sally
@بنت العز
@طيف الامل
@حياتي البصرة
@لهب الموسوي
@ديار
@شمس
@زهراء
@جبروت أنثى
@♡♡Princess♡♡
@yara7

• αнωαк
• ظافر (ツ)
• رمااد اانسان
• ااالٌبابُليً ودً
• قلائد الياسمين
• أبن البصرة
• وردة نرجسية
• حيال محمد الأسدي
• النبيل
• سعد العراقي راقي
• K E M O
• ملاك الحب💕
• Mustafa-
• غزل..ᥫ᭡
• SaMaR
• الشيخ
• senator
• أم السادة
• رقة الملائكة
• ملكة
• ღ شَغَفْ ღ
• Spike
• إيشنونـّا
• Retaj Al-Hassan
• الفصول الأربعة
• عذراء المجروحة
• kh93lil
• فتنةة العصر
• العـ عقيل ـراقي
• حنان البصرة
• pearl
• مصطفى الأمير
• F I R A S
• العذبة~
• قيصر الكلمات
• سماهر الرئيسي 📚
• آلســاهـر
• الباحث
• نِثَــار غَيـّـم.!
• الياس
• Umkalthom
• ابن الرافدين ~
• أنثى المطر
• وهج الحروف🔥
• Blacksмɪτн
• وسيم
• زهراء
• ضياء احمد
• شيم
• حكاية روح
• Totti
• نورس
• استاذ العاشقين
• ظمأ القمرين

 

[madness man]

سالفتنه
((((( سالفة أبو عيون الخضر )))))
سنة من السنين
أكو واحد يسولف
يكول
أكو واحد أنولد من بطن أمه
وحده من عيونه مصمومه والثانية نص صم .
هذا من كبر وصار شاب مات أبوه وعافله مال وحلال وگاع واسعه
وهي هيمه متطرفه عن المدينه يكثر بيها العشب أيام المطر ويزرعها خضره وجت بالصيف ..
الجت للحلال والخضره للعلوه وهذا الولد جان شاغول
هذاك اليوم راد يتزوج
ورغم هو صاحب مال جثير وعرض أموال على التقبل بيه
لكن النسوان الجريبات منه رفضنه وماقبلن بيه
عنده بت عمه ( نعيمه ) ضعيفه ويتيمه
..گالت آني آخذه ..وأخذته وشدت حيلها وياه وتوسع عدهم الحلال من الغنم وألهوش والدجاج عدهم بكثره
وشادين حيلهم هو وياهه ..بدل المسحاة أشتره تركتر وبدل مايسگي بيده أشتره ماطور
وجاب مكاين حفرن آبار . وسياره ينقل بيها الزرع .
جابتله نعيمه بت عمه ست ولد وبنيه وحده ..
وكبرو ولدهم گامو يسرحون بالغنم والهوش والنعمه تزود عليهم سنة أعلى سنه والخير صار عدهم جثير
من صارت الحرب دعت الحكومه كل المعوقين لأعادة الفحص عليهم ف من ضمنهم صاحب سالفتنه راح وهو مطمأن
على أساس يطلع أسباب صحية لأنه هي عين وحده وبيها نص شوف ..
عرضوه على طبيب العيون وچان الطبيب خبير بالعيون گاله أنت سالم مسلح
تفاجأ صاحبنا گاله شلون دكتور أني ماأشوف ..
گاله الطبيب هاي ورقه وبعد أسبوع تجي للمستشفى الفلاني أفتحلك عيونك
وعيونك صاحيات والمشكله بجفونك مطبوگه من الولاده وفتحهن سهل .
راح للمستشفى فتحو عيونه .
لن عيونه يطلعن لونهن خضر حلوات وصافيات كلش
ونعيمه خطيه فرحتها جبيره من شافت عيون زوجها مابيهن شي كامت تهلهل
وكامت تطبخ وتوزع للوادم بمناسبة شفاء أبو عيون الخضر
وزوجها ألتحق بالعسكرية ست شهور سبعه وطلع بدعوى الوحيد العائلته ..
هذاك اليوم أبو عيون الخضر باوع بالمراية شاف روحه صاير حلو
گال ويه روحه آني ليش دافن روحي وي هاي نعيمه ..
عندي فلوس هواي وبعدني شباب والنسوان هسى ألف وحده تقبل بيه ليش مااتزوج
أجته نعيمه خطيه تعبانه وطايحه بالطين او وجها أسود من الشمس
گاللها أكلج نعيمه أنتي صرتي موش حلوه وكبرتي وصاروا عندچ اولاد ..وآني بعدني شباب وأريدلي مره
وعندي صديچ من الولاية أطاني بته وراح ابنيلها بيت بسمها وتزوجها وهو هذا هو سياگها .
أخذ السياره وباع هواية من الحلال وراح گعد وي المره الجديده بالمدينه..
گام يجي بين فتره والثانية ياخذ فليسات ويروح ألمرته الجديده ويشتريلها هدايا ويطلعها سفرات وعزايم
ونعيمه خطيه ظلت تكد وتعمل من أجل أوليداتها.
يوم من الايام أجه للديره الحلو صاحب سالفتنه وتلاغه مع ابن عمه
لان گاله كافي ولك هذوله خطيه ما خليت على حالهم حال
هذا مو الدنيا زهتله ماتحمل كلام أبن عمه طلع مسدسه ودبغه چيلة طلعت من سگوف ظهر ابن عمه ..
راح الاخ أنحبس ..خلوله أولاده محامي وأنفقو عليه أموال طائله ..
وحكمته المحكمه عشرين سنه زوجته الثانيه من سمعت بيه أنسجن عشرين سنه
طلبت الطلاگ وأتطلگت من عنده
وبقه صاحبنا على الحديده ..
دخل السجن وتندم وتذكر أيام بدايته لان راح يشوف الظيم بالسجن
ف كال للمساجين ممنوع واحد يصيحلي بأسمي
گالوله چا شنصيحلك ..گاللهم صيحولي الاعور وانتم ماعليكم بهذا الاسم..
أجا صديقه يزوره يوم من الايام لگه المساجين يصيحولة الاعور ..
گاله صديقه بعد تحلم ترجع أعور لويطلع أخميس من كبره هاي أمنية بعد ماتصير

شاهد سالفتنه
هسى آني أگلكم كلمن خادمته نعيمه خلي يحمد ربه ويشكره
ولايجعبن على نعيمه ويلعب بروحه ويدهور حاله
فخلونا عوران أحسن من هاي السالفة
تره وروح أخميس أتشور بيك وتتندم وتظل تتمنى مثل ماأتمنى أبو عيون الخضر
ربي رجعني

وحتى هاي الامنيه هم بعد ماتصير وانتم بكيفكم بعد

واما سالفتنه
أحنه لوعدنا عيون جا ماصار كل
هذا الفلك بينا بلوووووه

 

[طيف الامل]

الله الله شكد حلو الموضوع حبيته اهواي احب هجي مواضيع اعشق هاذي المواضيع

 

[madness man]

اكو واحد كان يحب بنت عمة وهي هم تحبه
لكنهم بعيدين أحدهما عن الآخر في السكن يعني كل منهم ساكن بقرية -
فقرر ان يزورهم. فوصل الهم المغرب وكان هوة مصخن فنام بالمضيف.
وبدأ يرجف من گد الصخونة..فبقت بنت عمة كاعدة الليل كلة خايفه عليه
والى أن صار الصبح وكبل لا تسير الوادم على المضيف اجتة ورفعت الغطا منة وكالتله
"
اشلونة عن كل يوم مصباحك اليوم
ليل التعدة وفات ماشفت بية نوم"
.....
فهو أبتسم وجاوبها:
"احسن صباح الگيت وبعمري بس هاي
شلت الغطة وفزيت لن عيني بهواي"
هيه كالتله
ماجاهـه نـوم العــين تفتر بالاكتار
منتظره ساهي العين وجه الصبح صار
اتلمست وجهه اتريد تعرف اكوو عنده صخونه لو لا
وكالت
كل ساعه اشوغ عليك يمنشف الريج
وانجن بعض مرات وتناوش الزيج

 

[madness man]

سالفة ورباط





سالفتنه

سالفة (جدي رطينة)

سنة من ألسنين
رحت ألبيت جدي أخميس
ولكيته مسويله موكد ومخدر عليه جاي
كلتله جدي هسه حلاتها ألكعده وياك دصبلي من جايك ألمهيل وسولفلي سالفة من سوالفك ألحلوة كون ماسامعها قبل
كالي ياجدي ألماسامعها قبل ماتعرفها
كلتله ليش
كال ياجدي انت أربات بغداد ماعايش بالريف وهذا ألحجي ماتعرفه بس ألعايش بالهور
كلتله قابل راح تسولف بالانكليزي
كال أي أنكليزي
كلت وي روحي شنهي جدي طاف عليه ملك
وعلمة يحجي انكليزي لو يضحك عليه
كلتله جدي أنت تحجي صدك لوناصب عليه
كال وروح أبوي دولاب أحجي صدك
كلتله سولف وخليني أشوف

كال
يوم من الايام
جبت خمس رصوص اثنين مثمن واثنين عشيري وواحد ابو زويني سويتهن عشرين عمره وجبتلي اترور وحبستهن وخليت الفوگ کرب والحدر رصاص واخذت الكلفات وانحدرت واطبلك بعيصة گوه طلعت منها انوب اخذت السبل وانوب طبیت بالگاهن منا لمن وصلت للبیاض حولت ونصبت طفافيحي الغلج بالگیاش والنهر بالغميج انا انصب وهي دگت بالهبان واخذه ولنه عجد شگیته وملحته وحشيتلي برديات وچوننت عل الدوسة انا خلصت ودبدخت ونمت لمن انطر الشفاگ جسیت طفافیحي وشلعت والفد الكلفات لفد واخذيتلي عگیدات للفروخ وغربت ويلاگیني الصفاط وابيعهن عليه وامر بابو والم العطار واخذتلي مسيويج ورديت لهلي ) هسه سمعت سالفتي ياجدي
كلتله اي جدي أسمعك كمل وبعدين
كال ولك شكمل غير خلصت ألسالفه
جا اني شجنت أرطن عليك

الترجمة
مختصر مفيد الحجي اخذ اشباج ايصيد بيهن سمج
وترسهن رصاص حتى يثكلن وينزلن زايد بالشط
بهاي الثناء صاد سمجة اسمها عجد شواها واكلها
وبعدين صاد سمج اهواي وراح باعة الي يشتري قبل ايسمونة سفاط
اشلون حاليا انسمي تاجر وراح اشترة مسواك العيالة
ورجع هذا مختصر السالفة

 

[madness man]

سنة من ألسنين
أكو واحد من قرية بيت أخميس
يكول عندي صديقي أسمه خلف جنت يوميه وره العشه أروح أتعلل يم جماعتي
وأرد للحوش نص الليل وألكي مرتي نعيمة خطيه نايمه هي أتنام من وكت
ماتباوع مسلسلات لاهنديه ولاتركيه
آني أجي هم تعبان من التسيوره وأذب روحي بنومه للصبح
وظليت عله هالمنوال شهر
والله يخوي وذاك اليوم رديت من تسيورتي نص الليل
ودكيت الباب وصاحت مرتي نعيمة ياهوو
كلتلها آني خلف أفتحي الباب
كالت انت متوهم هذا موبيتك
باوعت الباب بابنه والنخله نخلتنه
وهم رجعت دكيت الباب وكالت ياهوو
كلتلها آني خلف ولج أفتحي الباب
كالت خاله ياخلف كلساع جاي داك الباب يله أنكلع منا لا ألم ألوادم عليك
رجعت أشويه وحسبت البيوت واحد أثنين تلاثه يابه أني متاكد هذا بيتي وهم دكيت الباب
وهم كالت ياهوو
كتلها ولج سودنتيني آني رجلج خلف
وكالتلي ولك تولي مناه لو هسه أكوم أجوعر وألم عليك الوادم
يكول خلف يخوي بعد شسوي وجان أحط ثوبي بسني وركض لبيت أبني ماضي
وهم ساعه أدكدك بالبيبان وفتحلي الباب
ها يابه خو ماكو شي؟
ولك تلاحكلي تيهت بيتنه يمكن ركبني طنطل لو أمك تسودنت
وخطيه شالني ماضي عله كتوفه
ودك الباب وصاحت أم ماضي ياهوو
كاللها يمه آني أبنج ماضي
وهذا أبويه شايله عله كتوفي خطيه أمتيه الحوش مالتنه
وهي صاحت ياااااا هاي يمه شبيك تخبلت
هذااااك أبوك هالنايم جوه بغرفتنه
يكوول خلف وماضي شمرني من عله كتوفه ويصيح طنطل طنطل
وتلمت عليه العربان وكامت العالم تضحك عليه
وجان تكولي أم ماضي ها يبوماضي شكلت أتوب بعد ماتسير لتوالي الليل
كلتلها أي وروح أخميس أتوبه من هاي أنوبه
وهسه يخوي كمت أنام من ألساعه تسعه وي أم ماضي
هي من تروح تنام وآني أتسردح وراها فصرنه دهن ودبس لاتحسدونه

من فلك طرج نعيمه على هاي ألدكه

مكرهن عظيم

 

[madness man]

تدري ليش ابوك يفتر يطفي الگلوبات الزايده ؟
ويفتر يتأكد من الحنفيات؟
و يتأكد من ريحة الغاز؟
و يصيح لمن واحد يطبگ الباب حيل؟
تدري شنو ألي يخليه ينصحك بكلام مكرر و هو متأكد إنك مراح تنفذه ؟!
تدري ليش يتضايق ويمكن أكثر منك من تستلم الشهادة ودرجاتك مو زينه؟
تدري شنو ألي يخليه فرحان جداً و مرتاح نفسياً و انت تصرف فلوسه بحاجه زينه ؟
تدري شنو الضغط والسكر من وره العصبيه وعلى شغلات من وجهة نظرك (( تافهة ))؟
أني چنت مثلك ما أدري ليش !!!!
بس لمن كبرت و لگیت نفسي تلقائياً أسوي هاي الشغلات ، فهمت السر .
(( المسؤولية )) إلي تخليك تفرح و تستمتع بإبنك وهو ياكل و يشرب و يلبس و يصرف ..
أكثر من فرحتك و متعتك إنت شخصياً لما تآكل وتشرب وتلبس .
(( المسؤولية )) إلي تخليك شايل هم مستقبل إبنك في الوقت إلي هو نفسه ما مهتم بالحاضر ..
ببساطه يعني مثل واحد راكب بصف سايق ،
إنت تنام و تگعد و تباوع من الجامه مره و تلعب بالموبايل مره ،
و هو لازم الستیرن و عينه على گیجات البنزين والدهن و الحماوه و الکیلومتر و الطريق ..
من تكبر راح تحس بهذا كله ..
لأنك بإختصار ..
راح اتصير أنت السايق ..
وإلى أن يجي هذا اليوم وتصير سايق
لازم تعرف أن مجرد وجود حذاء أبوك گدام الباب منظر لايقدر بثمن .

(( اللهم وارحم كل من مات من ابائنا واحفظ الباقين منهم يا رب العالمين

))

 

[madness man]

مدير دار المسنين "علي عبد السادة" ينقل لنا مكالمة هاتفية
- الو السلام عليكم فلانه امج ؟
- أي امي منو انت ؟
- اني علي الغراوي مدير دار المسنين
- هاااا خير ماكو شي ؟
- لا بس حبيت اكلج امج بالدار تدرين بيها ؟ ووضعها الصحي تعبان خوية يمج هوسه كلشي ما اسمع
- هاا مو ملتمين لمه عائلية !! هذا اخوي يحجي وياك.
- تفضل حبيبي
- أمك موجودة بالدار وقبلها نايمة بالمستشفى صارلها 7 ايام تدرون بيها
- لا والله هي دائماً تطلع ، كول محتاج شي
- لا بس حبيت ابلغك هي موجودة بالدار .
- اوكي رحم الله والديك ( ويمه بنته يبوس بيها )
- زين اذا توفت ؟
- اي مثل ما خابرتنا هسه عود من تموت بلغنا واخذها ادفنها انت
- اوكي تمام اسف ع الازعاج
- هلو
انغلقت المكالمة
بعد ايام توفيت المرأة!! اتصل بدون رد ؟
ادز رسائل يقرون وميجاوبون !!!
توكلت على الله والناس الخيرة في المدينة الي وياي وتوجهنا لأمير المؤمنين (ع) كملنا مراسيم الدفن وبمقبرتنا الخاصة