تنينه بحرورة گلب ليهم
وشكثر طشينه اعيونه
بدربهم
وگطعو السچة التودينه عليهم
واحنه ياحيرتنه حيره
لانـسـينه ولاگدرنا نعود ليهم
ملچومة الليالي بلا گمرهم
حزمينه اشموعنه
وحضرينه صينية بخت
وخضر الياس
وعلگنه انذور يابو نذور
بس ياوسافة
يروحي لا تتأمليهم
رجينه الماي يرطب
اشفاف نشفها المناطر
وحشمينه اطيوفكم
گطعنه حيل بينه
وبسج يروحي تذكريهم
فطرت خرازاتي
وتفتت خيطهن
تعال بجاه
خدك وذيچ الشفايف
خايب لاتروح وتشمتهم
بذاك سهرنه وسوالفنه
والمناهد حيل
وباجر صدكني باجر
الملم كل شوغاتي
وارواويهم
ياحلاته يضوي فوگ
معصمها
چنه زفة عرس
يسوا كل عشايرهم
مايرهم الليل بلايه
سوالف دافيه
ولاتمر ساعاته
شما تريد تنسه
ترد وي كل دگة ميل
أسمع ضحكهم
..
12/10/2019
العـ عقيل ـراقي
