سولفلي..

[العـ عقيل ـراقي]

شهني سولفلي ..
بيك طعم چمري
ولو تسولف لاخر عمر
ما أمل من تسولفلي
ياشهگة عطش
ولهفة المشتاگ
وريحة العنبر
تعط بالكون
ضحكات إزغار
مثل رشگ المطر
بوجه المبتلي
شكثر گتلك ولك مشتاگ
وانته بضحكاتك
تسحگ بروحي سحگ
أنته بريتي نفسه
واحس بيك ما أمتلي
شبعني شما بيك من دلال
وتغنچ علي شما تحب
بس لا تحرگ گلب حبك
يا واهس بروحي ولذة الليل
وبلياك ما ينحسب ليلي
احط فوگ رصعات إخديدك
شمة مستحة مفرعة وإعليك تدعي
هلبت تطش فوگ نهدك كل مشتهاتي
وتفوج أصابيعي بنهران ودك
يا شگلك وأنته وحدك
تعرف رزات بابي لو رايد تسد
وتعرف وين تنگط كل رجفاتي
ووحدك تسكت إنجومهم والگمر
ويتصنت عليك بمشتهه ليلي
هلبت يزحف طارف نهد
لو سرة تميل بخصرها
لو ظكت زند متلفلف بطيبه
لو شامة أدور اشفافي
هلبت ترد مثل أمس
وعن الشمس تفيلي
وتحضني بكل وكاحة
واگلك حيل ظمني
واشم بين اخدود نهدك
فرح ضبات الياسمين
وشدات الورد
واصيحن حيل يا ساعات الوكت
هلبت هليلة عن المشي اتبطلي
هلبت هليلة كلش مالچ نفس
هلبت ويوگف ميلج
ويتحرك بالليل ميلي..


01/03/2016
العــ عقيل ـراقي

 

[‏أعہشہقہ أنہفہاسہكہ]

رد: سولفلي..

دُمٍتـمٌٍ رٍمـزٍآاً للآبٌٍـدآعٍ وٍأإلـعٌٍ ـطـٌٍآءٍ وٍآصـٌٍلـوٌٍ تٍُمـٌٍيٌٍزٍكُـمٍ وٍلآتًحٍ ـرٍمـٌٍوٍنآآ مِنْ جٌٍدٍيٍدكـٌٍم تقبٌٍلـوٍ مـرٍوٍرٍي عـٌٍلى صًفـٍحآتـكًٍم أإلـجًمـٌٍيلٌٍه سٍَـلآمـٌٍي وٍكُـلٍ أإحٍ ـتٍرٍآمـي

 

[العـ عقيل ـراقي]

رد: سولفلي..

اهلا بسموكِ هنا
شكرا لطيب إطراءك
وجميل حرفك
كل الامنيات
عقيل العراقي

 

[المشتاق]

رد: سولفلي..

أخي المبدع والشآعرالكبير
عقيل العرآآآآآآآآآآآقي
سلمت يدآك لهذه اللوحة الرآئعة
ذآت الإطآر السآحر
{{ سولفلي }}
للمزيد مِن الإبدآع والفن
تحيآتي الأخوية
مع بآقة ورد
​

 

[العـ عقيل ـراقي]

رد: سولفلي..

الراقي المشتاق..
انت عنوان الابداع
شكرا لذائقتك الرائعة
كل الامنيات
عقيل العراقي