سوگ الوفه

[رمااد اانسان]

رسالة ام الئ ولدها

قصيدة بعنوان.
سوگ الوفه

روح دور عالوفه بسوگ الوفه
تلگه طعنة خنجرك وٱنه ابتسم
روح فرزن هندسك من الضوه
وشوف فرق السمل عن كشخ الهدم
تلگه بزياك الصدر يابس حليب
من طهارة. والده. كامل دسم
تلگه شيله وبويمه أو وصلة عباء
تدفه بيها وتغفه بيها وما تهم
روح دور بالكتب وأقره السطور
حضن دافي ال بي ربيت وما يذم
تدري شنهي الام عد رب الجلال
هيه جنة بيت كل صالح تلم
تلگه سبحه امعلگه أو شيلة صلاه
بيها عطر العافيه ومنها تشم
تلگه سورة فلق والناس وحجاب
وتلگه سهر الليل يشهدله النجم
تلگه ستره وثوب وچماغ أو نطاق
وغبشه طر الفجر للعيشه يهم
تلگه گلبين اعله شوفك عايبات
ما يفيد الروف ما ينفع لظم
روح شم عطر المسچ منه وتعال
وشوف غدرك حيه رگطه أو بيهه سم
روح شوف اشسوه چفك من بعيد
أو سده خشمك لا نتن منه تشم
وما أضن للسوگ نسمحلك تفوت
اللي مثلك بالخله ايحگ الرجم
مو بدينه نعوفك اتطب أو تشوف
بلكي ترجع للصواب أو تنهضم
گلوب عدنه تسامح أو تنسه اليعيل
وترجه رحمة ربك بصلة الرحم

م

 

[آهات حالمه]

ألف شكر لك على مجهــودك
الله يعطيــك العافيـــة
تحياتي