گالو طاح
گلت ما يطيح هيهات
اهو يدخن دول
وينفث اولايات
متسرفن بعلگ
راعي الجود
وصاحب الرايات
شلون يطيح
وبعيونه ضحكة يتيم
ودمعة ذيچ الامهات
ضحكوا من نزف جرحه
وتوچه عله ظهر الگاع
ما يدرون دارس بمدرسة
ابو الكلفات
يلم بشواربه دنيه
ويشگ صدر الموزمات
شيعنه ونشيع بعد
ذوله احنه شيعة علي
نضحك بوجه الممات
حيرنه ملچ الموت
وتعب بينه وصاح الداد
والمگابر بدمنه موردات
نكتب بكل شبر شهيد
لحد ما تصير الگاع
لوحة ممات
شوازاكم وبينه ابتلشتوا
واحدنه يمرد بجرحه
ويدوس عله شمات
احنه ولد ذيچ الخطية
الما تعرف بس تربي
عله حب احسين
وترافچ ضحكتها دمعات
ولكم توهمتوا هواي
ابن الفتوة چذب يوگع
جا غير ابو محمد علي
يدعيله بكل صلاة
شبل الحشد
حته بوگعته تصعدله الگاع
وتبوس خده بوس امهات
لا تروح وي الباعوا ذممهم
عدنه زلم تنعد بألف جيش
ومشهود اله بالصولات
ابو الغيره العراقي
الما باع دينه واشتره
دنيه وتفاهات
باجر نزف والبعد هم نزف
وگبر فوگ گبر نبني
لحد ما توصل مگابرنه
للسماوات
هم ما نبطل نحبك ياوطن
حته لو حرگوا كل جثثنه
نهوسلك يا بعد كل الولايات
05/01/2020
العـ عقيل ـراقي
