شجاك تغيرت وبكلبك انته شصار
جنت تموت بيه هوايه وتحبني
وجنت اتنفسك وانته الهوى بدنياي
وجنت لو تبتعد لحضات تخنكني
معقوله الورد ينكر جميل الماي
ليش بهالسهوله اتنازلت عني
مااذكر مقصر جنت وياك
لكن مو بيديه الصار يجبرني
شفت يمك مفط وبين ايديك الماي
واني بنار احترك ردتك تخلصني
لكيتك بالعكس مايك شمرته بعيد
وجبت النفط بيدك حتى تحركني
شسولف بعد طعم السوالف راح
ردت منك توافي وخيبت ضني
بس قبل لاتبتعد عندي سوال ارجوك
وفكر ويه روحك تالي جاوبني
باجر لو متت وتشوفني بتابوت
هم تبجي عليه وراح تذكرني؟؟؟؟
