رجعو لعاباتي ارد العب بأمان ***
ومار أريد اسمع بعد صوت القصف
ورجعو من سبايكر للبيت ابوي**
صار مده ما ضكت طعم العطــف
هاي بنت جيرانه منسمع تصيح**
(بابا بابا) كلبي احسّن ينـــزرف
ليش متأخر علي ما ردلي ابوي؟؟**
ليش منه جاي ما أسمع حرف
والله طك كلبي اريد اشبكه حيل**
ورقه احسّن روحي والدنيه عصف
منسئل أمي عنه ما تقنعني جاي **
أتجاوب ودمعتها عالخد تنذرف
تكلي يرجع باجـــر ويوميه هــــاي**
انتضر باجر وباجر نفـس أمــــس
امي وعماتي وخالاتي ليش **
كاعــــد يلطمن ومبحوحـــــات حس
جان لون اثيابهن كل وحدة لون **
هسه ليش اسود صبح لون اللبس؟
